L’AMATOUR DE L’ANTIQUITA
Uno vieilho dau temps passa
Que portavo enca la coquetto,
Lou long coutilhoun retroussa,
La fountangeo et la colleretto.
Qu’eroun de modo 1’a cent ans,
Dau temps de nouastreis reires-grands,
Aviet mes, un jour de mariage,
Sa raubo à pouncho à grand ramage,
Que datavo dau rei René.
Lou falbalas coulour canari,
Que sa grand maire li dounet,
Ero garni d’un grand papari,
De roussignoous, de tolipans,
De gros carreous de quatre pans,
Et d’uno rougeour tant requisto,
Qu’un poou mai levavo la visto.
Un espeço de freluquet,
Que vesen qu’aviet l’habiquet,
L’esquicho-nas et la badino,
Cresen d’aguer ben bouano mino,
Venguet faire lou parpailhoun;
Li dis: — Vous demandi ‘no graci!
Permettez, Madamo, qu’embrassi
L’embas de vouastre coutilhoun.
— Moussu, li respouande Nanoun,
S’avez pas envejo de rire,
Fe mi lou plesi de mi dire:
Qu’a tant moun coutilhon que n’en sias enchanta?
— A la foulie, Madamo, aimi l’antiquita!!!
La vieilho alors, que l’aviet touto lesto,
Li dis: — Moussu, serez leou countenta
Senso troou vous roumpre la testo:
Baisaz moun c..., a ben senso countesto,
Que va cresez vo noun,
Vingt ans de mai que moun beou coutilhoun!
Aucun commentaire:
Enregistrer un commentaire