Lou Saussissot d’Arle
Vivo noste Miejour pèr lou fin groumandoun!
Vivi l’aiet goustous, la bourrido revoio,
Aquéli plat requist que reviéudon la voio!
Mai, pèr lou saussissot... à-n-Arle lou poumpoum!
Dins soun vièsti d’argènt, loungaru, tout redoun,
Fai gau aquel ami la prestanço galoio!
Me chalo soun perfum! soun manja fai ma joio,
E countèmple, esmóugu, li plour de si taioun.
Novble enfant de Prouvènço, o trelus de la taulo,
(D’un de ti franc devot, crese-n’en la paraulo)
De canta ti vertu jamai se finirié.
Arle, auriés pas deja, pèr t’acampa ta glòri,
La bèuta de ti chato e toun antico istòri,
Que de toun saussissot lou renoum sufirié.
Touar
Setèmbre de 1877
.
.
Aucun commentaire:
Enregistrer un commentaire