AUGIÉ : AL CAPITANY BALADA

.

AUGIÉ AL CAPITANY BALADA*

Que lou laisséc tout soul en sa maisou

Capitàni, ieu soui pus triste
Que s’on m’avio panat moun riste,
E d’aissò me ressentirèi,
Vous proumeti, tant que viourèi ;
Car per que me laissavetz-vous,
Tout soulet, ses degun secous,
Din vostro maisou de Rialvilo ?
Se foussou venguts qualques milo
Papistos devèrs Mounpezat,
Élis m’aurian debarizat
Quand ieu serio un Annibal.
Ieu n’èro pas per lour fa mal ;
Car countro tant, poudètz entendre,
Ieu n’èro pas per me defendre ;
E pèis voli èstre pendut
Se me veziatz pel mièch fendut,
Veiriatz moun cor qu’es pas pus grand,
O crezi-ieu, coumo un agland.

0+0+0+0+0


RESPOUNSO DEL CAPITANI VALADA

Helas, Augier de qué te planges ?
N’avios-tu pas un cent d’iranges
Em’ qué te foussos defendut
Se l’enemic fousso vengut,
E pèis ma sor la Catarino,
Per lour fa uno countromino,
E pèissos ma sor de Caussado
Per lour defendre l’escalado ;
Et poudios laissa sul rampart
Nostro goùgio qu’a boun petart.

* Valada èro un valent capitàni calvinisto que lou vescoumte de Tureno, gouvernadour de Mountalbâ e capiòu di proutestants de Lengodoc e de nalto-Guieno, noumet en 1575 gouvernadour de Rialvilo. L’avèsque de Mountalbâ, Jaume Despréz lou faguet presounier e l’enclavet dinc una tourre del castèl de Mountpezat ounde mouriguet en ginier de 1576.





.