Vidau : LIS ÓULIVADO

LIS ÓULIVADO 

Lou pacan cabanen à soun coumpan Charloun Riéu. 

Lei fueio mouarto, en lòngui tiero,  

Revoulunon 'mé lou mistrau. 

Valèri BERNARD. 

Dins l'èr gris, tristamen li branco despuiado  

Sèmblon dire au cèu: — Zóu! vite un nouvèu printèms.  

A cha-v-uno li fueio, en toumbant desvariado,  

S'esperdon sont lou fouit de l'orre e triste tèms.  

La cigalo a feni sa galoio nouveno;  

Dins l'èrbo lou grihet s'ei terra dins soun trau;  

Clava soun li troupèu, e li jasso soun pleno;  

Li din-din di redoun s'auson plus dins la Crau. 

L'inchaiènt roussignòu, souto lis fres oumbrage,  

Desgruno plus la niue si galant riéu-chiéu-chiéu,  

E muto ei la pradello e tristas lou bouscage:  

Auceloun, frucho e flour, tout nous a dit adiéu.  

Plus ges de bèu pantai sont li clàris estello,  

Bressa pèr lou murmur na di grand chaine verd; 

Mai, mau-grat tout acò, ma Prouvènço, siés bello;  

Siés bello, ô ma Prouvènço, en despié de l'ivèr!  

Vo! quand pèrtout aiour, touto joio ei prouscricho,  

Coume un cor d'angeloun s'ausis dins lis avau.  

Milo cansoun d'amour qu'antan l'istòri a 'scricho  

Dins lou glourious valoun, sus la roco di Baus.  

Mounto alor plan-planet, i bord de la Durènço,  

De tóuti li vergié, un inne alègre e bèu.  

Dequ'es? — Lis óulivado. En touto la Prouvènço,  

Saludon lou terraire, à soun passat fidèu.  

Cantas, galoi jouvènt e gènti chatouneto!  

Zóu! lausas la naturo e si reiau tresor.  

Remplisses tout: panié, sa, gourbin, gourbiheto,  

D'óulivo en àbi vèrd, que faran l'òli d'or. 

Valoun d'En-Glaujo, Nouvèmbre 1905.