P. Berengier : “Mémoires de pauvres”, ed. Garae Hesiode

.





Memòri de paure

Un recuei d’autoubiougrafìo escricho en vers e en lengo d’O, au siècle XIX, pèr de mounde dóu païs, vèn d’èstre publica souto la beilié de Felip Gardy e Felip Martel.

“Mémoires de pauvres” nous dis ço que fuguè la vido entre Rose e Garouno de Napouleoun I à Napouleoun III. De paure mounde que dins sa lengo, “en patoues” coume disien sènso ié metre ges de mesprés, capitèron pas la glòri (Jasmin, soulet, mountè à Paris…). Fuguèron seminaristo, païsan, mestieiriau e, fièr de sa vido, vouguèron pourta testimòni e se racounta dins sa lengo. Uno meno de revenge, belèu.

L’edicioun d’aquéli testimouniage, es acoumpagnado de la reviraduro en francés e de noto que n’en fan un doucumen istouri, einougrafi e tambèn lenguisti. Lis editour an agu uno bono idèio de li tourna-bouta à l’ounour dóu mounde.

P. Berengier

“Mémoires de pauvres”, ed. Garae Hesiode, 576 p., 22 éurò.

576 PAGES, ILLUSTRE - FORMAT 15 x 22 cm - BILINGUE FRANÇAIS/Langues d'Oc

.