G . Thérond : A Cetòri, Cetòri e mièch - A Sétois, sétois et demi...!

Une galéjade sétoise pour un samedi de fin d'été ...

G . Thérond félibre sétois, nous conte cette galéjade que certains, autour de l'étang de Thau, appellent aussi un "coup de barre", tellement c'est lourd !

St Louis 2009 : Penha La Malaïgue d'Or

0-0-0-0-0-0-0-0-0

A Cetòri, Cetòri e mièch

Aqueles moustres de Cetòris se plasoun pas mai qu'à countà de talounadas. E, zou! au pus fort la pelha !

Un jour dounc, Tòni e Glousquet se rescountrèroun à la Marina.

— Hou! Tòni, couma sièn?
— Mai? aco's Clousquet. Chaval ! quant i'a que t'avièu pas vist?
—Ere à la baraqueta. Contes pas res de nòu?
—No ; franc que te diguèsse ce que m'arrivèt dimàs passat... Mes lou dèves saupre.
— léu?... Sabe pas soulamen dequé me dises.
— Te lou vau countà. Imagina-te que quand faguèt aquel tant gros ourage, sabes? pescaven toutes dous amé Pitota, à l'estang. Acha! i'èren talamen afeciounats que se maufisaven pas de res. De maniera que, quand s'avisèren dau tems, èra un pauc tard. Agantèren be chacun un rem, e voga que vougaràs! mes, ni per aquela!... l'ourage crevèt qu'èren encara lionts dau Bourdigou. E d'iglausi... e de trons !...e de ploja!... e de vent ! .. te lou pode pas dire. Tout d'un cop, — flic-flac-flac! — un tron espaventable nous ensourdis, un iglau nous avugla, la barra de fioc nous raseja lou nas, e toutes dous, flau ! de mourres au founs do la bèta. Am'aco mai de pòu que de mau. Se matan d'ausila e... oi ! de ma vida e de mous jours!... s'ai jamai cresegut d'avedre toucat la boumba, seguèt be quand vegère ounte se; capitaven... Devigna?
— La bêta s'èra pas devirada?
— Aube, devirada!... Se capitaven entre lou Mol e lou Brisa-lamas. Sembla pas poussible couma marcha, aquela eleitricitat ! Avièn fach un saut d'au mens doua kiloumèstres sans metre mai de tems que per cridà, : socous !
— Lou crese.
— D'abord, lou podes demandà à Pitota.
— Lou crese, t'ai dich... Me n'es arrivat, una, à iéu tamben, que vau la tieuna !
— Oi?... Dequé t'es arrivât?
— Sabes be Finèta?
— Ta china roussèla?
— Oi.
—Eh ! be?
Eh! be, la senmana passada cadelèt,. E sus cinq cadèls n'en faguèt dous, un negre e un blanc, de per l'aurelha gaucha,
— Aco, presemple, lou crese pas.
— Dequé?... lou creses pas?
— No, cranta cops no ; aquela es trop grossa.
—Terré! trop grossa !... Iéu te rai cresegut per dous kiloumèstres, e tus lou creses pas per dous pans soulamen !...Acha! vos que te lou digue: siès una miola!...

G . Thérond
- Contes Lengadoucians -
1906