FREDERI MISTRAL A L’ACADÈMI
Ié vagues pas !
Oh! noun, ié vagues pas! auriés lèu la fangalo
S’entendiés plus canta roussignòu ni cigalo;
S’en plaço dóu soulèu qu’embaumo li meloun
Te falié respira la nèblo di saloun.
Eila, de que fariés ? Dins la grand capitalo
Se quauque Francihot te disié : Fai ta malo !
I Quaranto, segur, virariés li taloun,
E d’ome coume tu n’en an pas de mouloun.
Eici, siés noste rèi. La Prouvènço t’adoro.
Ta Mirèio sarié soulo dins lis en foro;
Emé toun àbi vert, en van t’esperarié.
E nautre, gènt de mas, dins l’esclùssi de l’Astre
Qu’a fa lusi si rai, sus la tèsto di pastre
T’ou demande, o Mistral! quau nous esclararié ?
*+*+*+*
Aucun commentaire:
Enregistrer un commentaire