DE-QU’ES LOU BON DIÉU?
Moun fil, te copes pas la tèsto
Pèr saupre de qu’es lou Bon Diéu:
Es bon i qu’an de tèms de rèsto
D’ana grata’cò. -Tus e iéu,
Avèn bèn d’àutri causo à faire,
Fau trima de longo, pechaire!
Pèr gagna noste flo de pan. -
Souto lou traval que nous buto
Perdeguen pas uno minuto:
L’oubrié sèr Diéu en travaiant.
Dounen à Diéu ço que demando,
Oubeïguen quand nous coumando,
Leissen lou rèsto de coustat.
Que nous lausenjon, que nous blaimon,
D’oubeï nous fau countenta!
Acò fai que lis ome s’aimon,
Lou rèsto li fai disputa.
- - -
Aucun commentaire:
Enregistrer un commentaire