L’ENSIGNO DAU GROULIE
Responso à Moussu TONY SAPET
à prepau de la pouesie prouvençalo,
la CREATIEN DE LA FREMO, que m’a dedicat.
Un debut! .... Asse, anem! ... Eicot pourriet ben estre
D’un galegeaire uno plesentarie.
Ta muso millo fes mi lou repetariet,
Que n’en creiriou pas ren. Diou qu’es un coou de mestre! ...
L’histori de la couet à cadun a fa gaud;
Et piei per ma gouverno es vengado à prepau.
Sabiou ben que la fremo ero un mau necessari....
En qu v’a dies!... Ah! plagni lou canari
Que s’assipo à soun trebuquet!
L’homme en aqueou cimeou de tout temps s’envisquet...
Devinoun... devinaire... et vaquit lou mariage!
Dessus l’ensigno d’un pegot
Vigueri un jour un bel image
Ounte sortiet d’un vieilh sabot
Tres testos que fasien ensem proun tristo mino:
Uno testo de fremo, uno autro de mounino
De l’autre caire uno testo de gat!
Souto aquello chimaraduro
Nouastre groulie de sa bello escrituro
Esteis mots aviet empegat:
A la caussuro emplido de malici.
V’aviet pas escrich per caprici,
Car s’es sachut que lou mesquin
En meinage ero esta tant hurous que Tounin.
S’aguesse counouigut ta gayo histourieto
Auriet à coou segur mes la fremo souleto
Contro la fremo as ben cridat
Mai digo-mi, de que te lagnes!
Et subretout de que ti plagnes!
Avalem lou bouilhoun coumo Diou l’a mandat.
Semblo, tu que sies nat’me touto la crespino,
Qu’au rousier dau vesin as troubat cauquo espino.
Et qu’auries dich se t’eres maridat ?....
*+*+*
Aucun commentaire:
Enregistrer un commentaire