.
CULTURO NOSTRO
CULTURO NOSTRO
TRES DAS CEVENOS
Lou cevenòu es à l’ounour dins lou numerò 2 de « Culturo Nostro », la nouvello publicacioun dóu Felibrige.
Ive Gourgaud ié presènto, en respetant sa grafìo (grafìo mistralenco asatado au parla cevenòu) tres charradisso dóu majourau Julian Brabo (1859-1938), publicado soulamen dins soun journau « Cacalaca » (e dounc d’un trouba maleisa). Nascu à Sant-Martin de Val-Galgo, viloto procho d’Alès, lou majourau Brabo, en literaturo Jan Castagno, fuguè un escrivan proulifi, autour d’uno trenteno d’oubrage en lengo cevenolo.
La proumiero d’aquéli charradisso es counsacrado à l’abat Boissier de Sauvages « Alesenc pur sang, raça coumo pas un autre », geoulogue – fuguè l’enventaire dóu bacin menié dóu Gard –, filousofe, proufessour de teoulougìo, agrounome, fisician, naturalisto, l’un di mèstre de la lengo roumano, courrespoundènt de l’Acadèmi di Sciènci de Paris, e dis acadèmi de Mount-Pelié, de Flourènço e de Boulougno, basto un ome quàsi universau. E subre-tout l’autour d’un Diciounàri lengadoucian-francés.
Au legi de la segoundo dicho, descurbèn lou marqués de La Fare-Alais, que sa pichoto santa ié faguè vite quita l’uniforme d’óuficié pèr vesti la raubo de juge. Mai ço que i’agradavo lou mies èro d’escriéure de pouèmo dins soun parla alesen. Es pièi ço que fara, e si pouèmo, pareigu dins l’« Echo d’Alès », saran publica dins lou recuei « Las Castagnados ».
Pèr fini aquelo trilougìo, Pau Gaussen, trop lèu despareigu – avié que 48 an quouro mouriguè –, elegi majourau à l’age de 36 an. Pouèto, dramatisto, pintre, cantaire…, escriguè d’obro gaio dins soun parla cevenòu, e d’obro mai seriouso en prouvençau, demié li qualo un dramo en vers, toucant uno doulourouso pountannado de l’istòri di Ceveno, « La Camisardo ».
Em’aquéli tres tèste plen d’erudicioun saupica d’un grand zèsto d’umour, Jan Castagno nous fai parteja soun amour pèr sa lengo que gisclo dins tóuti li pajo, amour que ié vèn di dous proumié pouèto que n’en parlo, e que ié dis « felibre avans lou Felibrige ».
Aquéli vers n’en porton temouniage :
« Moun Tèstament Felibren E zóu, tabò ! Jouvents !...Boutas lou pèd en sello !... / Couirassas d'estrambord e lou fèrre à l'aissello / Lous ièls sus l'Aveni, bluio pervenco au cor, / Galoupas au Drapèu, s'ausis lou soun dau cor. / Se lous Vièls an tengu, tèstuds e sans flaquige, /Uèi fau de souldats nòus au vivent Felibrige ! / A vautres, dounc Cadèts, chivaliès indoumtas : / Per la Lengo d'amour e nostos Libertas ! / Se la lucho feroujo a de passos crudellos, / La Vitòrio sourris... e las palmos soun bellos. »
Li noun-loucutour cevenòu an eicito uno óucasioun di bello de descurbi, óutro la biougrafìo di tres pouèto, uno lengo richo, sabourouso, espressivo, e d’un legi eisa. Emai mai, lou librihoun es adourna de tres bos grava de l’autour, autre aspèt de si divers talènt.
Ive Gourgaud ié presènto, en respetant sa grafìo (grafìo mistralenco asatado au parla cevenòu) tres charradisso dóu majourau Julian Brabo (1859-1938), publicado soulamen dins soun journau « Cacalaca » (e dounc d’un trouba maleisa). Nascu à Sant-Martin de Val-Galgo, viloto procho d’Alès, lou majourau Brabo, en literaturo Jan Castagno, fuguè un escrivan proulifi, autour d’uno trenteno d’oubrage en lengo cevenolo.
La proumiero d’aquéli charradisso es counsacrado à l’abat Boissier de Sauvages « Alesenc pur sang, raça coumo pas un autre », geoulogue – fuguè l’enventaire dóu bacin menié dóu Gard –, filousofe, proufessour de teoulougìo, agrounome, fisician, naturalisto, l’un di mèstre de la lengo roumano, courrespoundènt de l’Acadèmi di Sciènci de Paris, e dis acadèmi de Mount-Pelié, de Flourènço e de Boulougno, basto un ome quàsi universau. E subre-tout l’autour d’un Diciounàri lengadoucian-francés.
Au legi de la segoundo dicho, descurbèn lou marqués de La Fare-Alais, que sa pichoto santa ié faguè vite quita l’uniforme d’óuficié pèr vesti la raubo de juge. Mai ço que i’agradavo lou mies èro d’escriéure de pouèmo dins soun parla alesen. Es pièi ço que fara, e si pouèmo, pareigu dins l’« Echo d’Alès », saran publica dins lou recuei « Las Castagnados ».
Pèr fini aquelo trilougìo, Pau Gaussen, trop lèu despareigu – avié que 48 an quouro mouriguè –, elegi majourau à l’age de 36 an. Pouèto, dramatisto, pintre, cantaire…, escriguè d’obro gaio dins soun parla cevenòu, e d’obro mai seriouso en prouvençau, demié li qualo un dramo en vers, toucant uno doulourouso pountannado de l’istòri di Ceveno, « La Camisardo ».
Em’aquéli tres tèste plen d’erudicioun saupica d’un grand zèsto d’umour, Jan Castagno nous fai parteja soun amour pèr sa lengo que gisclo dins tóuti li pajo, amour que ié vèn di dous proumié pouèto que n’en parlo, e que ié dis « felibre avans lou Felibrige ».
Aquéli vers n’en porton temouniage :
« Moun Tèstament Felibren E zóu, tabò ! Jouvents !...Boutas lou pèd en sello !... / Couirassas d'estrambord e lou fèrre à l'aissello / Lous ièls sus l'Aveni, bluio pervenco au cor, / Galoupas au Drapèu, s'ausis lou soun dau cor. / Se lous Vièls an tengu, tèstuds e sans flaquige, /Uèi fau de souldats nòus au vivent Felibrige ! / A vautres, dounc Cadèts, chivaliès indoumtas : / Per la Lengo d'amour e nostos Libertas ! / Se la lucho feroujo a de passos crudellos, / La Vitòrio sourris... e las palmos soun bellos. »
Li noun-loucutour cevenòu an eicito uno óucasioun di bello de descurbi, óutro la biougrafìo di tres pouèto, uno lengo richo, sabourouso, espressivo, e d’un legi eisa. Emai mai, lou librihoun es adourna de tres bos grava de l’autour, autre aspèt de si divers talènt.
Rousselino Martano
« Tres das Cevenos » pèr lou majourau Jan Castagno - Culturo Nostro n° 2 - Ed. Felibrige – 64 p. en 15 x 21 cm. – 5 €
De paga e coumanda à :
Felibrige – Parc Jourdan – 8 bis, av. J. Ferry – 13100 Aix-en-Provence – 04 42 27 16 48 – contact@felibrige.org
