Fèlis Arnaudin par la Majouralo P. Bérengier

.

Fèlis Arnaudin

Fèlis Arnaudin counsacrè sa vido à sauva la memòri de sa Grando-Lando de Gascougno. Tout au cop fouclouristo, eitnoulogo, foutougrafo, istourian, lenguisto, rèn i’escapè de ço que falié serva. Sa rigour scientifico ligado au lirisme literàri fan de soun obro, un quicon d’unique.

Despièi d’annado Francés Lalanne s’es groupa à publica aquelo obro de proumiero, emé lou Pargue Naturau Regiounau di Gràndi-Lando e lis edicioun Confluences. Après li conte, li prouvèrbe, li cant, la courrespoundènci lou diciounàri e lou journau de l’anciano Lando, pareiguè lou darrié tome de l’obro coumplèto : « Félix » que se devino l’ensignadou generau de l’obro d’Arnaudin.

PB

Se pòu coumanda au P N R di Lando de Gascougno, 33 route de Bayonne, 33830 Belin-Beliet.

.