Aimat Agussol : LAS QUATRE SESOUS EN RIBAS D'ERAU

Poète "localiste" & employé de commerce, Aimat Agussol (1875-1907) est de St André de Sangonis (34) . Aux dires de ses contemporains, il fut une sorte de renouveau dans la poésie du Languedoc oriental (région Montpellier Sète Lodève). Il cultiva son art avec ses mots, celui de son village qu'il ne quitta que très rarement. Il fut remarqué par Roque-Ferrier lors d'une félibrée & collabora avec ce félibrige montpelliérain au sommet de son art & de sa production... Il avait une façon toute particulière de déclamer ses poésies.
Il nous laisse un recueil Vieuletas d'Erau, d'où vient le poéme de ce jour ainsi que diverses contributions à des Almanach... locaux.

LAS QUATRE SESOUS EN RIBAS D'ERAU

PER L'AMIC A. DE LAVERONA


Ai Printems

Lou rasin escapa e l'ouliviè bruma
Dins la plana verda ount lou sourel ris ;

Tout per lou campestre, ambe gaud, ûouris
Dins un dous perfum que se regouluma.

Loung dai rec d'argent, lou menut mousquet,,
Dins un gros bertàs, o mes sa nisada,
E l'aucel, erous de chaca becada,
A chaca pichot baila soun pauquet.

l'o pas un niboul sus nosta campagna...
Se vei pas, amount, que lou grand mantel
Qu'espandis soun plec d'azur, dins lou ciel,
Dai coulet daurat jusqu'à la mountagna.

E, dins lou ciel blu escalou lous cants
Dai païsanet drech e soun araire ;
E, joust lou sourel que plòu de tout caire,
Lou Printems e Mai trepou dins lous camps....


En Estieu,

Lou rasinet pencha à sa vise mola,
Soun pichot grun vert o crescut un pau,
Per el, i'o pas pus pausa ni repau,
E lou plour de l'Auba, à sa pel, regola.

Lou blat trefoulis, dins sa rauba d'or,
D'un tramblun d'amour dai vent que lou bressa ;
Lou sourel de jun d'un rai lou travessa,
Per l'amadurà, doubla d'espefort.

E, zam-zam-zam-zam, la cigala bruna
Sega, sega, sega, un cant de nòu jours ;
E, vespre falit, lous grils d'alentours
Fou sous cri-cri-cris d'aubada à la luna.

Dins lous valats blus, lou blu firmament
Miralha, ufanous, sa capa poulida ;
Trauquant l'ounda, on vei l'estela benida
Jougà sus roquets soun tintilhament..


Dins l'Autouna

Lou blat es segat, las garbas caucadas,
Déjà lous voulams penchats ai clavel,
E n'i'o tant e tant de bel gro roussel
Que s'en comta pas las plenas sacadas.

De long das camis, jouves e garçous,
Rouges de plasé, toutes vergougnouses,
Venou per culi lous rasins moustouses
E l'amoura negra, en miech das bouissous.

0 te saludam, amourousa Autouna,
Tu que fas madu lou crentous rasin! !
Sus gruns amagats, as pausat enfin,
Ambé tout toun cor, ta cauda poutouna.

Dins lous camps, pertout se canta, se ris ;
Es que giscla alor la grapa sacrada :
Lèu, dins lou vaissel, l'aurem embarrada
L'amiga licou de lou que soufris.

loi, mai que jamai, poulit vendémiaire,
Fai tout ressoundi de tous ers d'amour !
Lou tenus de vendemia es souvent pla court,
Tout cop, s'esvalis dins un vent bramaire...


L'Hiver

E lou vent bramaire o, lèu, despoulhat
La paura souqueta ara vendemiada,
Que «Bostra ai boun Dieu sa capa chaplada
E lagrema à l'iol demanda pietat.

Ara lou sourel caufa pas qu'à miechas
E lous viels, jalach, cercou lous abrich...
Cigalas e grils se sou endourmich...
E degus sap pas ounte sou sas crechas...

Mais toujour, toujour, maugrat frech e nèu,
Amai lou tarrau balacbe la touna,
Toujour moun païs garda la poutouna
D'un raioun galoi que foundro lou gèu.

.