La première partie de cet essai sur la civilisation.
PREMIÈRE PARTIE.
La cevélisatioun , vrai baoume de la terre ,
Es véngude plan plan dessus noste hémisphère.
Fazén coume un douctour, que, per son beou savoir ,
Garis un mouriboun que y'avié pus d'espoir ,
En y'adeiméstiran Ieis doze émé mesure ,
Faï , dédin soun bel art, trioumpha la nature.
Ansin lou baoume faï, tout en se grandissén ,
Et dessus lou michan et dessus l'inoucén ,
Empache per seis leis que la force brutale
Oue faible malheroux fague gés d'escandale ,
Proutége l'artisan , lou grand, lou pastrioun ;
Chasque jour faï briya la pé paoure natioun ,
Dois hommes ourageoux vén y'aplani seis erce ;
Sus leis doux éléméns boufe en poupe oue coumerce ,
Doue sexe dalica y'cs sa garde d'hounour , \
Y'é mure lou pourtaou doue traïte déshounour.
Més nialhcrousamén a, coume lou bel olì,
Sa crasse..... per dé gens que dessus tout sount goli,
Car vézén , chasque jour , dins aquéste univer ,
Qué la méndre médaye a toujour soun rever.
Partén et couméncén per la bonne partide.
Quand Adam , Iou groumand , agué fa sa sourtide
D'aqueou beou paradis que lou Père éternel
L'avié fa lou gardién per un téms imortel ,
Seis paoureis déscéndéns , per se tira d'affaïre ,
Dédin touteis leis arts fuguéroun énvéntaïre ;
Nécessita la dame , énié moussu Bésoun
Faguéroun espéli soun poulit énfantoun ,
Que batégéroun leou damiselle Endustrie ,
Aqueou galant mouroun , méstresse doue Génie ;
En se tant calignant, d'aqueou mignot amour
Dé chefs-d'œuvre sans fin naïssien touteis leis jours.
Bén dé terrén désert, fugué per la culture
Tré bén fertilisa din l'art d'agriculture.
Déis reviéres leis cours fuguéroun enréga ,
Per dé digous lou bén fugué pus tan néga.
Leis villes coume un i dé per tout se drisséroun ,
Et force gros ressaous alors s'aplaniguéroun,
L'Egypte coumencé per se désémbouya ;
Os, mabre , bos, métaou , leis sache travaya.
La Grèce l'éstudié : sa bêle architecture
Ouevrigué lou camin dé la riche sculture :
Artistes sans égaous , magie dé cizeou ,
Que leis savans futurs faran rén dé tant beou.
Leis gréques deis Romains fuguéroun leis moudélc ,
Quoique per lou féni y'agué pas même zélé ;
Leis Phédias romains fuguéroun pas coumun ;
Mes per leis constructiouns s'en trouvé maï que d'un
Per faire temples , ponts , arcs de triomphe , arènes ,
Que téndran candeya dé mille ans à dougénes.
D'aquéleis grands guerriés la cévélisatioun
Yé deou l'A B C D de soun éducatioun.
Entré qu'un pople altiér , rampli de mœurs barbare,
Eis lois dé l'Age d'or yé fasié lou tartare ,
S'armavoun : sa valour bravade tout dangé ;
Oue proumié tal de man n'en fazién seis sougé.
Més malherousamén, din touteis seis éscoles
Recouneissién per dieou dé régiméns d'idoles.
Lou méndre tro de bos érou divinita :
Eis sacrificateurs véndién sa liberta.
Lou divin Créalour dé la machine rounde
Vezié d'un air mourén aquéleis cause immounde ;
Voulén douevri leis yeux d'avugles clair-vouyans ,
Et dé force païens n'en faïre dé crestians ,
Dé son Fils incarna din lou sein dé Marie ,
Yé fagué vei lou jour sus lou noum dé Messie ;
Dédins un galetas , tout proche Béthélém ,
Entre dous animaoux escouefa per l'alén.
A peine éstre nascu , leis astres l'adouréroun ,
Et très Reis d'Orian davan s'agénuyéroun.
Fugué persécuta que n'érou qu'un énfan ;
Soufrigué mai d'un cop de sé , de fré , de fan.
Mes, coume grandessié, sa lei fortéfiave ;
Force esclaves païens chasque jour désliave,
De suite après sa mort, seis disciples pioux ,
Que dé la réligioun n'éroun tan amouroux ,
Préchéroun savamment din touteis leis empire ,
Car rén leis rébuté , pas même lou martire.
Emé la belle fé la cévélisatioun
Briyé coume un souleou quand darde seis rayouu.
L'Europe paou à paou quité l'idoulàtrie ,
Deis nouveoux religeoux fugué maïre-patrie ;
Leis mœurs per seis liçouns fuguéroun pus dé féou ,
Vénguéroun , per lou bén , pé douces que lou meou ;
Un nouvel âge d'or régné noumbre d'annade , '
Et la belle vertu fugué ressucitade.
Lou crime s'énvoulé din leis rocas désert ,
L'inoucénce émé joie respiré lou bon air ;
Couneguéroun pa pus leis maridei paraoules ;
Per barra leis oustaous y'avié que dé cadaoules.
Poudién, carga d'escus , d'oue soir jusqu'oue matin,
Vouyagea tout soûle, per draye et per camin ,
Même din leis détours d'une route mande ,
Avién pas paou deis mots : la bourse o bén la vide:
Lou vol ère ésvali, leis armes , lou pouisolin ,
Fazién rés éncoufra dins la méndre prisoun.
L'amour ère inoucén , leis garçouns et leis fies
Dedin lou déshounour fazién gés d'avanies ;
Se juravoun sa fé ; ère un sérmén sacra,
Jusqu'oué darnié badaï lou tégnén réssara.
Quand quaouque négoucian manquave dé pécettes ,
Avié , sans intérès, d'argént per seis recettes ;
Qué fuguesse mésquin , qué fuguesse moussu ,
N'avié jamiri besQUD dé faïre de reçu..
Leis achats se fàzién din touleis leis coumerce ,
Emé leis yeux bendas , sans camins de traverse;
Dessus gés dé marchands éroun pas ésmougus ,
En demandant d'argént éroun leis bén véngus.
Leis armayés d'alors et tout§eis leis dévise
Dédin chasque péïs éroun paix et franchise :
Nissénce fazié ren, d'ouneste homme lou noum
Vous anoublessié mies qu'un titre de baroun.
Un ami, quand désié, counta, sus ma proumesse,
Ere maï que ségur, car y'avié dé sagesse.
Jamai lou pé jouyoux , ni lou: pé dégourdin ,
Cercavoun d'insulta la fume d'un vésin.
Tout ére fémé respect ; d'une belle manière ,
Resién din lois oustaous coume din la carrière;
Leis médecins dealers garessién cranamén ;
Touteis leis magistrats tégnén à seis sérmén.
Y'avié de malheroux et de mandians , pécaïre ,
Din touteis leis péïs , que leis hommes d'affaïre ;
Car rés din leis passiouns yé fazién gés d'èxcès ,
Per aquéle résoun y'avié gés dé proucès.
Un n'avié que dé pan , l'aoutre avié dé fricasse :
Doue matin jusqu'oue soir fazié bonne vidasse ;
Lou qu'ére sans frico n'ére jamaï jaloux ,
Seis repas de pan sec , désié qu'avién bon goux.
Dous d'oue même méstié fazén lou même ouvrage ,
Héroux et malheroux, éroun sans tripoutage ; ,
La laide jalousié leis rébifave pas ,
Et dé gés de façoun cérquavoun sé troumpa.
Se din dé souciéta régnave dé tristesse ,
Quand vézién pas briya la galoïse alegrésse ,
Ere que quaouque ami végne dé racounta ,
Qu'un taou, din soun travaï, soun gain avié rata.
Chascun lou plagnessié din lou foun dé soun ame ,
Et d'éstre piétadoux avién mai que la game ;
Dédin lou dré camin yé marchavoun ségur ,
Même d'un énemi plagnessién lou malhur.
Rés changeave dé noum , la figure ésmougude,
Car n'avién pas bésoun d'éstre din l'éscoundude ;
Per avedré manqua din seis éngageméns ,
Eroun toujour guidas per dé bons séntiméns.
Leis amis, réunis dédin une ribote ,
Fuguéssoun oue café, vo bén din la gargote ,
Cantavoun , pléns dé joie , la mère Goudichoun ,
Et jamaï per lou jéo vidavoun seis pouchoun.
Tant que d'or et d'argént n'yagué pas d'aboundance ,
La vertu dé tout biaï fugué din l'opulance ;
Une fés que l'argént fugué force aboundant,
Révéyé l'êmbétioun, énvénté l'éntrigant.
Alors véngué leis fléous et leis caouses maride
Que lou lectour vira dédin l'aoutre partide.
(A suivre 2ème partie)
Aucun commentaire:
Enregistrer un commentaire