L Vidau : VESPRADO

Sète - La Plage - 

Laure della Flora - 

2014 coyright 

VESPRADO 

Li roso dins lou vespre, an de fremin d'estàsi  

La gemo dis estello esbrihaudo lis iue,  

E la luno sourgis, encèndi de toupàsi. 

ESCRIVETO (felibresso di Roso) 

La neblo au tremount estènd sa roupo griso,  

Lou soulèu dins li flot nego soun disque d'or.  

Coume un poutoun cremant, lou voun-voun de la biso  

Passo sus la naturo, e la bresso, e l'endor. 

Tout es siau, e lou vèspre en sa marcho indeciso  

Empelisso di bos lou grandaras decor.  

L'amo puro di flour mounto e s'idealiso,  

Dins lou darrié prefum escampa dins lis ort. 

Es l'ouro sounjarello, es l'ouro ounte tout erro,  

Ounte li raive ardènt vous enauron de terro  

E vous mostron l'Espèr amount dins l'Infini. 

E lou cant dis aucèu escoundu dins l'oumbrino,  

Reviho dins lis cor lou troublant souveni  

De l'amour que reviéu, quand l'astre rèi declino. 

+ + + + + + + + + + + +