.
DINS LI COLO E SUS LI SERRE...
DINS LI COLO E SUS LI SERRE...
Dins li colo e sus li serre,
Que trèvon li pastour,
Pèr ta raubo anarai querre
De ferigoulo flourido
Au soulèu coumbourido,
Qu'embausemon alentour.
Que trèvon li pastour,
Pèr ta raubo anarai querre
De ferigoulo flourido
Au soulèu coumbourido,
Qu'embausemon alentour.
Jouvènt, en menant l'araire,
M'an empli de festour
Lis Aupiho e lou terraire;
E l'estelan que s'apielo
I cimo de si pielo
Esbrihaudo la vastour.
Se l'amour es un rèi-mage,
Caminant 'mé lentour
Vers un grave bonur maje,
Es li terme dóu cadastre,
Li mount-joio di pastre,
Que l'adraion sèns bestour.
Caminant 'mé lentour
Vers un grave bonur maje,
Es li terme dóu cadastre,
Li mount-joio di pastre,
Que l'adraion sèns bestour.
(1909.)
.
Aucun commentaire:
Enregistrer un commentaire