Li Primadié, perqué n’en parla ?
Lou darrié numerò de Culturo Nostro presènto li Primadié. Acò pòu sembla de trop e pamens…
Quand parlan de Mistral, d’Aubanel o de Roumanille encaro passo, mai quand disèn : Tavan, Brunet, Giera o Mathieu, i’a plus gaire de mounde que saup.
Lou Felibrige a dounc resoun d’agué publica lou gros travai de recerco que faguèron Bernadeto Zunino e Rousselino Martano e de i’apoundre lis estùdi d’Andriéu Bernard sus lou triò Mistral, Aubanel, Roumanille.
Aquéu numerò de la couleicioun Culturo Nostro bouto à l’ounour dóu mounde de davancié que,cadun à soun biais, faguèron soun proun e souvènt mai, pèr la glòri de nosto lengo. Galoi, trufandié omalurous e triste, riche o paure, païsan o noutàri, l’amista li ligavo, l’amour dóu bèu e de sa lengo empurè sa voio e sa voulounta. Sabèn ço que ié devèn e aquéstis estùdi se volon la provo qu’oubrèron pas pèr rèn.
Peireto Berengier
Li Primadié, Culturo Nostro n°4, 250 pajo. Costo 20 éuro emai lou port, e lou fau demanda au Felibrige, Oustau de Prouvènço, Parc Jourdan, Av. J. Ferry, 13100 Aix en Provence.
Aucun commentaire:
Enregistrer un commentaire