Les fleurs sont le sujet même du printemps, quand bien même l'hiver joue les prolongations, habituons-nous à cette idée de cycle de renaissance perpétuelle de la nature.
Mais une idée intéressante que nous lance la Majourale Peireto Berengier : Mangeons des fleurs... !
0+0+0+0+0+0+0
De flour, de flour !
Verai qu’es la modo. De flour, n’en fau de pertout. A tèms passa, li troubavian subre-tout sus li cadiero à bras e li raubeto mai, vuei, es mai que mai dins nòsti sieto que li fau.
Ah, li flour ! siéu pas contro, bèn au countràri. Mai quand legisse que i’a de lòngui tiero de gènt marca e qu’espèron pèr de cous de cousino à 68€, soulamen pèr ço que lou prougramo marco « langoustin i flour de capouchino », me demande s’es bèn resounable…
Se voulèn manja de flour, es pamens mai simple. En Prouvènço lou sabèn proun. Quau es qu’a jamai fa o dóu mens tasta li flour de coucourgueto en bougneto o bèn farçido. E quand vesèn tóuti lis acacia en flour, quet Prouvençau se dis pas “moun Diéu, tóuti li bougneto de flour que se perdon” ? Pièi, encaro, dins lou jardin, i’a toujour ço que dison « li marrìdis erbo ». Marrido, perqué ? Prenès l’eisèmple de la bourrage. Pas proun de sougna lou tussi, assajas de tasta si flour. Esquichas-n’en uno au bout de la lengo e vous creirés d’agué manja uno ùstri. Me cresès pas ? Assajas e veirés. E aquéli flour, talamen bluio, dins vosto ensalado, imaginas un pau lou poulit tablèu… e la bono sabour. Quant i flour de capouchino, segur que n’avès tóuti dins un vas e que vous coustara pas 68€, emai i’apoundegués quàuqui cambarot…
Poudès tambèn assaja d’apoundre un tisano de verbeno dins uno ensalado de fru (pessègue, pèr eisèmple) e vous liparés. La lavando, iéu me disiéu que devié douna uno idèio de sabouneto dins la bouco, pièi un jour assajère li glacet à la lavando, à la ferigoulo e au roumanin e tóuti tres m’encantèron. Li crouquet à la lavando soun tambèn un delice. E pièi, sian pas racisto e aman tambèn li famóusi vióuleto de Toulouso dins soun sucre. E lou sirop de vióuleto dins de vin rouge que vous fai un aperitiéu de paradis, l’avès tasta ?
Mai se tout acò torno de modo, fau pas óublida qu’a l’Age-Mejan fasien deja si dejuna emé de lavando e de bourrage… Noun avèn pas rèn enventa! Tout acò, lou sabèn de naturo au païs di flour e avèn pas besoun de paga lis iue de la tèsto pèr trissa quatre petalo rose o blu. Em’acò, bon apèti que lou printèms arribo emé sa farandoulo de floureto.
Ah, li flour ! siéu pas contro, bèn au countràri. Mai quand legisse que i’a de lòngui tiero de gènt marca e qu’espèron pèr de cous de cousino à 68€, soulamen pèr ço que lou prougramo marco « langoustin i flour de capouchino », me demande s’es bèn resounable…
Se voulèn manja de flour, es pamens mai simple. En Prouvènço lou sabèn proun. Quau es qu’a jamai fa o dóu mens tasta li flour de coucourgueto en bougneto o bèn farçido. E quand vesèn tóuti lis acacia en flour, quet Prouvençau se dis pas “moun Diéu, tóuti li bougneto de flour que se perdon” ? Pièi, encaro, dins lou jardin, i’a toujour ço que dison « li marrìdis erbo ». Marrido, perqué ? Prenès l’eisèmple de la bourrage. Pas proun de sougna lou tussi, assajas de tasta si flour. Esquichas-n’en uno au bout de la lengo e vous creirés d’agué manja uno ùstri. Me cresès pas ? Assajas e veirés. E aquéli flour, talamen bluio, dins vosto ensalado, imaginas un pau lou poulit tablèu… e la bono sabour. Quant i flour de capouchino, segur que n’avès tóuti dins un vas e que vous coustara pas 68€, emai i’apoundegués quàuqui cambarot…
Poudès tambèn assaja d’apoundre un tisano de verbeno dins uno ensalado de fru (pessègue, pèr eisèmple) e vous liparés. La lavando, iéu me disiéu que devié douna uno idèio de sabouneto dins la bouco, pièi un jour assajère li glacet à la lavando, à la ferigoulo e au roumanin e tóuti tres m’encantèron. Li crouquet à la lavando soun tambèn un delice. E pièi, sian pas racisto e aman tambèn li famóusi vióuleto de Toulouso dins soun sucre. E lou sirop de vióuleto dins de vin rouge que vous fai un aperitiéu de paradis, l’avès tasta ?
Mai se tout acò torno de modo, fau pas óublida qu’a l’Age-Mejan fasien deja si dejuna emé de lavando e de bourrage… Noun avèn pas rèn enventa! Tout acò, lou sabèn de naturo au païs di flour e avèn pas besoun de paga lis iue de la tèsto pèr trissa quatre petalo rose o blu. Em’acò, bon apèti que lou printèms arribo emé sa farandoulo de floureto.
Peireto Berengier
.
.
Aucun commentaire:
Enregistrer un commentaire