Une proposition d'Alan Broc
Maximo Planudo en parla de la regiou de Toulouso.
L’AZE E LE CINGLA (singlar)
Mentre qu’un couard d’aze se bourlao d’un cingla, aqueste au suppourtao dambe peno : encaro que meritesses d’esse castigat, y diguec, ieu sarioy indinne se te punissioy; bourlo te sense crento tant que bouldras; ta couardiso te gandis.
Quand augissen o patissen de causos indinnos, esperfourcen nous de nou dire ni fa res d’indinne de nous aus. Imiten las grandos bestios que passon en mesprezan le jaupadis d’un cagnot.
LA SERP
La serp mancado ta souben per l’home, inplourec Jupiter e Jupiter y diguec: s’abios fissat le prumie que te manquec, un segoun n’aurio jamay gausat fa ’co.
La fablo guinhabo an aquelis qu’ajan resistat as prumies que les insulton, se fan crenta pes autres.
LE RAT E L’ENGRANHOTO
Le rat e l’engranhoto se fasion la guerro; disputaon l’imperi de la gourgo. La batalho ero acarnado e incerteno. Le rat, abisat, s’amago joux l’erbo e attaco l’engranhoto ambe d’enganos; aquesto, pu forto, balento de la lengo e del palmou, arcelo soun enemic oubertomen. Cadun abio per lanço un brin de jounc. Un buzac que bezio de len aquel coumbat, s’apropio, e mentre que, dins le foc de la batalho, ni l’un ni l’autre nou se garo, le buzac les arrapo toutis dous e les esquisso.
Atal acoustumo d’escase an aquelis cabalurs que, coubezis * de douminica, se disputon las plaços e, mentretant, meton en peril lour fourtuno amay lour bido.
(* coubésis)
LAS DOS OULOS
Y abio dos oulos sul bord d’un riu; l’uno ero de terro l’autro de brounze. Le courent de l’aygo las empourtec toutos dos. Coumo la de terro apriandao un truc, la de brounze y diguec de nou crenhe res, qu’elo prendrio pla prou gardo que nou fousquesso tustado. Alabets l’autro respoundec: sio que le riu te bute countro mi ou me bute countro tu, sara toutjoun a moun doumatge. Aco’s praco que le pu sigur es de me separa de tu.
Te bal milhou biure amb’ un afrayrat pariu qu’amb’ un pu pouderous; car amb’ aquestes y pot abe de peril per tu e nou per el.
.
Aucun commentaire:
Enregistrer un commentaire