A. del SOURELH : JOUVOS MESTRESSOS - 1913 - Escolo Moundino

.

Magritte

JOUVOS MESTRESSOS

Embelinairos sount las drolos
Qu'al tour de vingt ans, à p'r aqui,
S'en van galoupa, farivolos,
Ardidos e l'aire couqui...
Braves gouiats cercant mestresso,
Un journ, pe's camis souloumbrous,,
Las culissetz, flous de tendresse;
E, lours galants, que setz urous!...

Car, frescos, escarravilhados,
Las migos de vingt ans
An carressos, d'amour, floucados,
Qu'enivron lous galants...
E lours avansos amistousos,
Per pla passa lou temps,
Aisidoment sount engajousos
Coumo un sourire del printemps !...

E las aimatz coumo un terrible,
Voulent que n'ajon que per vous,
Per vous tout soul, qu'es pas poussible
D'èstre mai sot ou mai gelous...
E, risco d'en veni per èstre
Un vièlh tirannas, las tratatz
Coumo s'en siatz l'absoulut mèstre,
Taloment que las desiratz...

Car, frescos, etc...

0, mes la flou qu'aviatz causido,
Que cresiatz la flou del bounur,
Dins vostres degts es lèu blasido,
Car l'amour n'as res de segur...
La jouvenso, se nou ie paro
De perlounga sous bous mouments,
Fug à galop, sens crida garo
E prene de mainajoments...

E, frescos, escarravilhados,
Las migos de vingt ans
A caressos, d'amour, floucados,
Qu'enivron lous galants...
E lours avansos amistousos,
Per pla passa lou temps,
Aisidoment, d'èstre engajousos,
Passon, èi-las! amb lou printemps!...

P'r acô, de las primos mestressos
Rèsto un souveni sens parèl;
E l'on raivo de lours caressos
Coumo d'un vi blous e vermèlh
Que siaudoment ennairo l'amo,
Quand, sounco, en enmagenaciui
Pus tard, des plasés de madaino
Poudetz cerca las sensacius...

Car, frescos, escarravilhados,
Las migos de vingt ans
An caressos, d'amour, floucados,
Qu'enivron lous galants...
E lours avansos amistousos,
Per pla passa lou temps,
Aisidoment, sount engajousos
Coumo un sourire del printemps!...

A. del SOURELH

- 1913 -
Sur La Terro d'Oc
Escolo Moundino
de Toulouso

.