J. Tellier : MICHANT-PARTIT

MICHANT-PARTIT 

Jupiter en faguent das Astres l'inventari,
Vejèt que lou sourelh èra celibatari!
Seriò d'age soudis, l'avèn desoublidat,
Ia pas res de perdut, sera lèu maridat.
Sans cercà la bèutat, lou genre, la fourtuna,
A l'Astre trelusent, ie prepausèt la Luna!
Jujas de la furou de nostre grand calel,
Pensèt que Jupiter se vouliò trufa d'el.
Oufri al grand Phebus, una femna pichota!
Un astrilhou de nioch, un luquet de machota!
Un astre vagabound, qu'es panle coum' un lum!
S'amagant per pas res, detras un nivoulum!
Vous sanjant de quartiè, tant que ia de semanas
Lou sourelh trucariò sous raisses per de banas!
Jupiter, Jupiter, laissa-s-hou tout coum' es,
Sabes-be que ta Luna es plena cada mes!

Una Cigala en plen ivèr
Vouliò cantà soun pichot èr.
Era segur destimbourlada,
Lou lendeman sieguèt jalada!
Faguen hou tout couma se dièu,
Dansèn l'ivèr, canten l'estièu. 

*+*+*