Jan CHARLES-BRUN

Jan CHARLES-BRUN felibre majoural (1870 - 1946) apôtre du régionalisme et du fédéralisme, il est & fonctionne dans la contradiction intégrale, comme la plupart des idées du XIXème siècle où socialistes proudhoniens ( L.X de Ricard) & conservateurs (Maurras) se rejoignent sous cette bannière.
Voilà un texte révélateur de son temps ambigu où il fait l'appologie d'une certaine forme du dogme de la croyance pour se poursuivre sur des envolées lyriques sur la langue et la régionalisation!! Etonnant

(Tros de la Préfaça de las Pescalunetos dau felibre Ant. ROUX)

Me remembras aqueu paure Janot qu'un ouratour francimand n'en countet un jour l'istoria. Soun mestre ié proumetiè après la mort lou repaus dins lou sen de Dieu. Quand sarai pas pus aiçaval, souscava Janot, crese pas que siegue fenit. Sara lou bon Dieu que me sounarà à luòga de vous. «Jan, vai damoussar(l) lou sourel! Jan vai alucar la luna! Jan, vai escampar la plôja! Jan vai me faite jaire aqueles poulissounets d'ànjous! »
Paure Janot! E vous atanben, vous an sounat touta vosta vidassa.«Moussu Rous, nous maridam: nous regalarès ben d'una cansoun nouviala ? -- Moussu Rous, es pas pus la noça : es lou batejat. Se nous fasias quicom per lou manit que ploura ? Aco belèu lou rendriè sage. -- Eh ben ! Rous, dessoublides, moun orne, que la taulada de nosta soucietat vòu un brinde, amai en verses de la bona ! -- E noste maset, amic Rous, que ie fasem riqueta (2) dimenche,? ---E la festa de caritat de Lunel ? Caudrie quicom de requist (3) sus lou prougrame per adurre (4) mai de dardenas. -- E lous mutualistas ?
De que diriès d'una fabla de toun biais ? -- Mestre Rous, mestre Rous... » E zou, mestre Rous se met à sa taula : linda, goustousa, la pouesia raja de la Font. Car s'agis de moustrar que la lenga d'oc es la mai bèla e l'a mai franca, que sa plaça es pertout ounte s'acampoun d'ornes dau terraire, per galejar, per cantar, per pantaisar (5), que cargoun lou dòu ou que s'espéte l'alegria. Ai ! Rous se dins chaca ròdou, n'i aviè agut soulament un couma vous !

***

Lou felibre es, subre-tout, l'ome que ten à sa raça amai à sa regioun e voudrié en el e à soun entour grandir tout ça qu'es propre am aquela regioun am aquela raça.
Lou felibre es encara subre tout, lou que vei dins lou mantenement das dialeites d'oc lou mejan (6) lou mai assegurat de gardar au pais d'oc ça que lou fai lou païs d'oc, amai à la raça que l'abita soun ime (7) e soun ama.
Un felibre es un Francés de lenga d'oc que vôu mantene e grandir l'esis-tença de sa regioun e crei que degus pot pas dessaparar aquela esistença de la de soun dialeite d'oc.

***

L'orne, que sap dos lengas, disiè lou grand rei dau Pont, se pot dire dous cops un orne.
Aquel, saique, se i' entendié aqui dessus, que faguet d'un pau mai cridar seba (8) as Roumans.

***

Quau es l'enemic de sa parladura es atanben l'enemic de sa patria : i' a pas ges de patria ounte i'a pas ges de parladura nascuda de l'ime mema de la raça.

***

Te cau prene lous augures, dis à Ector un persounage de « l'Iliada » avans que de s'en anar en coumbat. « Lou milhou de toutes lous augures e lou mai afourtit, ie rebèca lou valerous aparaire de Troia, es de luchar per sa patria. »
Ausissès, vous, se désespéras de l'aveni dau Felibrige !


(1) Eteindre. — (2) Collation, petit régal. -- (3) Recherché, exquis. -- (4) Apporter. -(5) rêver dans le sens d'espèrer. --(6) Moyen. — (7) Esprit, génie. — (8) Crier merci.