Un diciounàri prouvençau-francés anounime
Es un diciounàri manuscrich en sièis voulume, un toutau de 2123 pajo e 34 000 intrado. Fuguè descubert pèr J. Thomas que lou presentè dins la revisto Lengas, noen 2012 « A propos de la découverte d'un dictionnaire inédit ». Es aro dispounible en ligno sus lou site de l’Universita de Toulouso (http://tolosana.univ-toulouse.fr/notice/165803770) e se pòu counsulta à lesé. Es d’un legi eisa e bèn presenta emé de gloso, de reviraduro au francés e quàuqui definicioun sènso óublida, ilustracioun, equivalènt latin, quàuqui loucucioun, etc.
Aquéu diciounàri fuguè redegi entre 1764 e 1789, dins lou païs d’Arles e sèmblo que degun l’aguèsse jamai vist, manco pas Mistral. La grafìo, qu’es aquelo de l’autour, es óumougèno e respetado regulié.
Lou manuscrit es anounime mai segur que l’autour sabié sa lengo à founs e qu’èro un erudit. La richesso leissicalo d’aquéu manuscrit es eicepciounalo e sarié un bèu travai, pèr un estudiant, de vèire li diferènci emé lou Lou Tresor dóu Felibrige.
Peireto Berengier
Aucun commentaire:
Enregistrer un commentaire