J.E. Catelnau : LOU PARA-PLOJA

.

 

LOU PARA-PLOJA

Atendièi l'oura e lou moumen
Qu'assadoulat de languimen,
Un rai de fèsta
Venguèsse foundre lou mau-cor
Que rousiga moun paure cor ;
Vè, dins ma testa
Fa tant de bruch, tant de rambal,
Qu'ausisse lou branle infernal...

Mes de l'espéra benurada,
Couma quand pouncheja à la prada
La flou, quicon vèn d'espeli,
E m'envau pèr tus lou culi ;

A la clartat de las estellas,
A la dau sourel agradiéu,
Ounte dansou las farfantellas,
Veici ce qu'ai causit, Roumiéu

Eiço que sembla un amusage,
Que se barra e s'oubris en l'èr,
Que fai cabussel au mariage
E met Roubinsoun à coubèrt.

A la premièira remassada,
Voudrièi, se siès lion dau maset,
Que pèr landà vers ma nisada
T'aparèsse, amie Louviset.

Se jamai la pou t'acousseja,
Vaqui pèr negà toun esfrai,
Deguèsson n'en crebà d'enveja,
De que béure un copet de mai.

Lou 24 d'Avoust de 1884 

.