Peireto Berengier : R Garros - Proumiero travessado de la Mediterragno

Proumiero travessado de la Mediterragno

Fai tout bèu jus 100 an que Rouland Garros travessavo pèr lou proumié cop la Mediterragno en avioun. Èro lou 23 de setèmbre 1913.
Aquesto annado dóu centenàri, n’an fa uno Annado moundialo Rouland Garros qu’a pèr toco de valourisa la memòri di primadié francés de l’aviacioun e de valourisa peréu l’aerounoutico. Forço païs dins lou mounde participon : Alemagno, Argentino, Austrìo, Belgico, Brasil, Cuba, Espagno, U.S.A., Grando‐Bretagno, Itàli, Meissique, Mounègue, Païs‐Bas, Poulougno e Tunisìo.
En 1909, Blériot avié deja travessa la Mancho en 32 mn. Plus tard travessarien l’Atlantique en 33 ouro mai avans falié passa l’estapo decisivo de la Mediterragno. La proumiero travessado durè 8 ouro e fuguè uno estapo istourico.
Rouland Garros, l’eros d’aquelo aventuro partiguè de Frejus e anè à Bizerto en 8 ouro pas mai, sus un Morane‐Saulnier type H. 
Vuei, es enterra à Vouziers dins lis Ardenno, à Sant-More ounte avié toumba en 1918, en pleno glòri. Pèr lou centenàri de sa neissènço, l’ounourèron emé la Courso aerenco de la vaniho à Sant-Danis de la Reünioun, em’un timbre, uno medaio, d’estatuo, de coulòqui, etc.
La travessado de la Mancho pèr Blériot, saludado dins la presso dóu mounde entié, fasié 39 km de long. Au matin dóu 23 de setèmbre 1913, sus l’aeroudrome navau de Frejus, es 800 km d’aigo (leva lou vòu sus la Sardegno) que Rouland Garros anavo assaja de travessa !
I’avié d’óuficié de marino dóu service de l’aviacioun, de matalot, quàuqui courrespoudènt de presso mai bèn gaire de civil, uno souleto femo, soun amigo. Un pichot mounouplan sourtiguè emé l’ajudo dóu mecanician Jùli Hue. En quatre an soulamen, anavon passa de 39 à 800 km, un bèu prougrès !

 

 

 

Rouland Garros
 

Rouland Garros èro nascu lou 6 d’óutobre 1888 à la Reünioun, avié dounc 25 an pancaro e èro deja proun couneigu dins lou mounde de l’aviacioun.
Quouro pichot, èro esta abarri dins soun isclo de La Reünioun pièi dins si quatre an, partiguèron pèr Saïgoun que soun paire ié fasié avoucat. Coumencè d’estùdi à Paris mai, malaut grèu d’uno peremounìo, fuguè sougna e sauva à Cano. Countinuè sis estùdi à Niço pièi à Paris avans de voula à Marsiho.
Rouland Garros èro diplouma de HEC. Contro la voulounta de soun paire que lou vesié veni avoucat coume éu, mountè, em’un ami, un coumerce de veituro au pèd de l’Arc de Triounfle : « Roland Garros automobiles – voiturettes de sport ». Mai sa passioun de l’aviacioun lou faguè lèu tout abandouna. Avié descubert lis avioun à-n-un acamp aeren e tant lèu s’èro croumpa uno « Demoiselle Santos-Dumont » pèr aprene à voula tout soulet…
Venguè un dis aviatour li mai coumpli qu’avans meme d’agué soun brevet d’aviatour fuguè engaja dins diferènts acamp aeren ! Fuguè meme engaja pèr de rescontre en Americo ounte capitè proun d’esperiènci (USA, Meissique, Cuba). Eila, fuguè lou proumié de travessa la Rado de Rio de Janeiro, lou proumié de voula au dessus de la séuvo troupicalo e de prene de fotò en reliéu, lou proumié de jougne São-Paulo à Santos em’un sa poustau… e participè à la creacioun de l’aviacioun bresiliano.
Tournè en Franço en 1911. Aqui participè en tóuti li rescontre e multipliquè li sucès. Daverè, pèr eisèmple, tres cop lou record d’autitudo (lou meiour à 5610 m). Es pamens à Marsiho, au Pargue Borrelly, que mai de 100.000 persouno lou badèron dins sis evoulucioun. Aqui tambèn que retroubè soun paire.
Aviatour, mai tambèn grand teinician dóu trop d’energìo e de la qualita de vòu, emé Raymond Saulnier, enventè, un avioun, lou Morane-Saunier type H, que lou devié mena de l’autre coustat de la mar.  
L’aviacioun èro pas lou soulet esport que praticavo. Marca au Stade français dins la seissioun de rùbi èro tambèn un ciclisto afouga.

Fréjus, poun de despart

 Lou 22 de setèmbre, arribè en garo de Sant-Rafèu. Fasié un bèu cèu blu, tout èro pàsi. Partiguè l’endeman proun d’ouro pèr èstre segur d’arriba de jour.
Sabèn, bonodi si caièr, tout ço que la niue i’aduguè de chiframen : uno bello aventuro, belèu la disparicioun en mar ; tout acò, perqué ?
Lou 23, s’aubourè que fasié encaro niue. Travessè Sant-Rafèu endourmi e desert e se gandiguè vers la baso de Frejus en s’imaginant coume un coundanna mena au chafaud…
I’avié faugu pensa en tout : dejuna proun mai pas trop, faire mèfi d’èstre bèn tapa e counfourtable. Sus soun coustume de vilo (emé gravato siou-plait !) avié passa de tricot de lano e plusiour espessour de papié journau souto uno coumbinesoun impermeablo e un passo mountagno bèn caud. Verai qu’anavo voula dins lis aire, coume un aucèu sènso plumo, dins (o pulèu « sus ») un avioun dubert en tóuti li vènt ! Passè dos mostro, uno pèr l’ouro franceso, l’autro que marquè miejour au moumen de decoula, acò pèr i’espargna li calcul e saupre lou tèms e lou carburant que ié restavo…
 Avans de parti faguè saupre au mounde soun idèio e mandè de telegramo i media.
Avien mes lou mens de pes poussible mai falié pamens 200 l. d’essènci e 60 l. d’òli de langastié, sènso óublida la boussolo… L’aparèi èro lourd pèr decoula. Mai à 5 ouro 47, èro fa, s’envoulavo . 7 ouro e 53 mn plus tard, èro à Bizerto !
En routo, avié subi dos pano de moutur, proche la Corso e sus la Sardegno e quand arribè, avié pas plus que 5 l. d’essènci e ié mancavo un bouloun !…
Rouland Garros countuniè de voula dins l’armado, dóu tèms de la guerro. Après plusiour vitòri, fuguè fa presounié, s’escapè, tournè au coumbat, e après uno darriero vitòri lou 2 d’óutobre 1918, toumbè emé soun avioun, lou 5. Avié pas 30 an.
Pèr travessa l’Atlantique fauguè espera 6 an de mai e la fin de la guerro. En 1919, dous Anglés, Alcock e Brown, capitèron bèn avans Lindbergh.
 Vuei, se cercan Rouland Garros sus Internet fau proun trafega pèr trouba l’aviatour que soulet lis image de l’estade e di jougaire de tenis envahisson l’escran ! Rouland Garros, éu, jouguè jamai au tennis… E sa Legioun d’Ounour se l’ameritè !
 

Peireto Berengier

*+*+*

J. Tellier : COUMA LOU TEMS CHANJA!

COUMA LOU TEMS CHANJA! 

Un jour de gros ivern, quand la bisa bufava,
Frecha couma tout vent que passa sus la nèu,
La Marquisa en autò passava lou platèu.
Menada per Janou, la machina rounflava,
Fièra de soun lusent dins un jour sans sourelh.
Mes dau valhent caufeur, la corna que s'escana,
Garda pas lou moutur, de l'inoucenta pana,
E la pana arrivèt, sans demanda counselh.
Quand l'aucèlou patis que las flous deperissoun,

Quand s'entrevei la nèu, dins un ciel toujour gris,
L'ome es coumpatissent, e soun cor se dourbis,
La Marquisa pensèt as paures que soufrissoun.
 O Jean quel dur hiver, j’y pense avec effroi!
 N'oubliez pas demain les pauvres du village,
 D'une pile de bois, faites-en le pillage;
 Seigneur quel mauvais temps, o mon Dieu qu'il fait froid!
Lou lendeman, Janou qu’a l'ama generousa,
Davans un fioc d'enfern, dins soun apartament,
Vai trapà se patrouna, e ie dis douçament:
— Quant cal douna de boi, per porta malerousa?
— Le temps a bien changé, il ne fait pas si froid,
Respoundèt a Janou la caudeta Marquisa,
 C'est bien drôle le temps, on n'entend plus la bise,
 Conservons pour plus tard notre pile de bois.

La Marquisa faguèt, couma fai lou Ministre,
Arrivant esmougut, sus lou lioc dau sinistre:
La França! lou devé! l’ounour es engajat!
Quant arriva a Paris, crei d'aveure sounjat.

*+*+*

F. Mistral : traduction La Genèsi - CHAPT XLIX : Li predicioun de Jacob subre chascun de si fiéu.

CHAPITRE  XLIX
 -

Li predicioun de Jacob
subre chascun de si fiéu. 

-

 

1. Mai Jacob apelè si fiéu, e ié diguè: “Acampas-vous, pèr fin qu’anouncie ço que dèu vous arriba i darrié tèms.
 

2. Acampas-vous, e escoutas, fiéu de Jacob, escoutas Israèl voste paire.
 

3. Rubèn moun einat, tu siés ma forço e la coumençanco de ma doulour: lou proumié dins li doun, lou majour en empèri.
 

4. Te siés escampa coume l’aigo, creissiras pas, pèr-ço-que siés mounta sus lou Iié de toun paire e qu’as embruti soun jas.
 

5. Simeoun e Levi, tóuti dous fraire, eisino de vioulènci dintre l’iniqueta.
 

6. Au counsèu d’éli que moun amo noun vèngue e ‘n sa coumpagno que noun siegue ma glòri: car dins sa fùri an tua l’ome e pèr sa vouIounta sapèron la muraio.

7. Maudicho siegue sa furour, pèr-ç o-que s’es encarado, e soun endignacioun, que fuguè duro: li divisarai dins Jacob, e dins Israèl li dispersarai.
 

8. Judà, te lausaran ti fraire: ta man sus lou coutet de tis enemi, t’adouraran li fiéu de toun paire.

9. Cadèu de lioun, Juda! vers la piho, moun fiéu, as escala; e au repaus, te siés coucha coume un lioun e tau que la liouno. Quau ausara lou reviha?
 

10. Se ié levara pas lou scètre, de Juda, ni de sa cueisso lou gouvèr, d’aqui-que vèngue aquéu que dèu èstre manda e qu’éu-meme sara l’espèro di nacioun. 

11. A la vigno, o moun fiéu, ligant soun pòutre, e sa saumo à la souco, lavara dins lou vin sa raubo - e soun mantèu dins lou sang dóu rasin. 

12. Sis iue saran plus bèu que lou vin, si dènt plus blanco que lou la.
 

13. Zabuloun trevara la ribo de la mar, s’estendènt desempièi lou barcarés jusquo à Sidoun.
 

14. Issacar es un fort ase, coucha dintre si raro. 

15. A vist qu’èro bon lou repaus e que la terro èro eicelènto; e pèr pourta - éu a pourgi soun espalo e s’es fa servènt de tribut.
 

16. Dan jujara soun pople, coume peréu lis àutri tribu dins Israèl. 

17. Dan es la serp dins lou camin, lou serpatas dins lou draiòu, mourdènt li bato dó chivau, pèr que toumbe à rèire aquéu que lou mounto. 

18. Ta bono salut, segnour, esperarai.
 

19. Gad, cencha de sis armo, bataiara davans éu, e s’armara pèr faire targo dereviroun.

20. Asèr, soun pan crouchounara e pèr li rèi sara ‘n delice.
 

21. Néutali, es un cèrvi que part e qu’es poulit soun paraulis.
 

22. Es un fiéu creissènt, Jóuse, un fiéu creissènt e de bello mino: li fiho, pèr lou vèire, an courregu sus lou bàrri. 

23. Mai l’an entahina, aquéli qu’an de dard, e i’ an cerca reno e pourta ensié.

24. Soun arc es resta en man forto, e soun esta destaca li liame de si bras e aquéli de si man pèr li man dóu pouderous Jacob: d’ounte sourtiguè pastresso la pèiro d’Israèl. 

25. Lou Diéu de toun paire sara toun ajudo e d’amoundaut l’Ounnipoutènt te benesira, di benedicioun dóu cèu, di benedicioun dóu gourg qu’es jasènt souto terro, di benedicioun di pousso e d’aquéli de la maire. 

26. Li benedicioun de toun paire soun estado enfourtido pèr li benedicioun di paire siéu: d’aqui-que vèngue lou desir di colo eterno, que se coumpligon sus la tèsto de Jóusè e sus lou su d’aquéu qu’es Nazaren entre si fraire.
 

27. Benjamin, loup alabre, de-matin manjara la preso, partejara de-vèspre li despueio.”
 

28. Tóuti aquéli, acò ‘s li capo di douge tribu d’Israèl. Ansin ié parlè soun paire, à-de-rèng li benesiguè, chascun de sa benisoun propro.
 

29. E ié coumandè eiçò, disènt: “Iéu me vau acampa vers moun pople: e n s e v e l i s s è s-me, emé mi paire, dins l’espelounco doublo qu’es dins lou champ d’Efroun l’Eten,

30. Contro Mambrè, en terro de Canaan, e qu’Abraham croumpè, emé lou champ, d’Efroun l’Eten, pèr n’en faire soun sepucre.
 

31. Aqui l’enseveliguèron, éu e Saro sa mouié; aqui fuguè enseveli Isa ‘mé Rebèco sa femo; aqui Lia peréu jais reboundudo.”
 

32. E, fini li coumand que dounavo à si fiéu, jougneguè si pèd sus lou lié, e trepassè; e fuguè apoundu au pople siéu. 

 

A. Langlade : LA LABECHADA

LA LABECHADA

A CARLES DE BRUN

Dins Malhorca la renoumada,
A l'oumbra das verts irangès,
Se capita lou vaste bres
De la fresqueta labechada.

De l’auba, toutes lous matins,
D'aquì tant que la nioch negreja,
Zounzouna, fusa e voulastreja
Dins lous palmiès, lous rams, lous pins.

E tout lou tems que dralha e voula,
De fruch en fruch, de flous en flous,
S'empregna de siavas sentous,
E dau mèu rous que n'en regoula.

Mais tant lèu que l'estieu çai ven,
Chaca jour, dins la tantossada,
S'acoussa dor nosta encountrada,
Per maisà lou sourel brausent,

Per aloungà jusqu'à la sega
Lous grans qu'encara soun calhets,
A las oumbras dounà lou fres,
Trepà sus l'airòu embé l'ega.

Fourfoulha pèus e capelous,
De las vendemiairas galoias;
Imouisseja jouta las fiolhas,
Lou grun que marfìs las calous.

L'avé, que roumia à la chaumada,
Atissat per lous mouissalets,
Reviscoulat d'aquel refresc,
Torna au prat e prend la mourrada.

Dau champouiraire, tout susous,
Adraca la rusta pelassa,
Aco, soulet, lou desalassa,
E torna au tal mai vigourous.

Sus las bagnairas e bagnaires,
A mitat corp, dins l'amarun,
Fai regisclà lou salabrun
A beles degouts caressaires.

En plena mar, dau pescadou,
Qu'à fauta de vent se carcina,
Boudenfla la vela latina,
E lou buta au debarcadou.

De cops, en camin fai jouguina
Embé la lamia e lous daufins;
De l'ounda frusta lous acrins
En fouitant la gruma salina.

Alor, per pau que lou matin
Age alenat d'en tramountana,
Gara lou blat, gara la grana,
E l'escaudage dau rasin.

En van sus l'airòu l'ega endilha,
En van lou pastre fai cimbel,
Gachant dins lou foundàs dau cel,
Res ven refrescà la ramilha.

De cops, mai, embé lou pounent,
Après sourel couchat, se pignoun;
Pastres, gardians, ouvriès se signoun,
Car lous ilhaus fusoun d'un tems.

Mais aco n'es que de passage,
Car l’endeman reprend soun fieu,
Tout lou sant clame de l'estieu,
Jusqu'au mitan de l'autounage.

O ventilhou, fresc, embaimat,
De quante noum que te batejoun,
Toutes lous que la mar coustejoun
Fan pas de mens que de t’aimà!

ENVOUCACIOUN  

Brisa de mar ou labech ou garbin,
Repoufa au lion e l'ira e la coulera,
En mema tems que refresques la terra,
Boufa la pas sus lou mounde latin

*+*+*

Albert Roux : LOU CAMIN DIS ESCALETO

 

 

 

LOU CAMIN DIS ESCALETO

Un pau après Pont di Carreto
En d’anan à Uzès tout dre
La lou camin dis Escaleto...
Copo de courcho me es destré,
Me es pouli, anas lou veire.
La d’escalié en jusqu’en aut
E d’escalié que poudès creire
Soun viel coumo sabe pas quaou.
Soun cava din lou roc naturo,
S’en trovo pas n’lio de parié,
Fan vis à vis à Font d’Avuro.

Aqueli tan pouli escalié
Nostri Paire lis escalavoun
Prenien souvent aquel carrau.
O nous hou dirien se parlavoun
De joio farien quauqui saut.
Paure camin dis Escaleto
Tu, tu que n’as vis, n’en sabes tant.
Podes nous counta de sourneto
O, te creiren en t’escoutant.
 

Septembre 1930

Ive Gourgaud : Sous la Croix… cévenole !

Sous la Croix… cévenole !

-+-+-+-+-+-

    Nous, les Cévenols, sommes des réboussiès (contradicteurs) : plus on nous affirmera que notre langue est « occitane », et plus nous affirmerons, nous, que notre langue est cévenole.
Notre félibre majoral Arnavielle l’écrivait déjà dans le premier Armagna Cevenòu en 1874, où il terminait ainsi son Bréviaire de l’Histoire cévenole, à la page 3 : « Le Félibrige en Cévennes ; renaissance de la langue cévenole » ; et page 11, au début de sa Chronique cévenole, il affirmait : « Il suffit de nommer Sauvages, La Fare-Alais, Mathieu Lacroix, sans compter ceux qui sont moins connus, qui avant notre époque on écrit avec bonheur en langue cévenole. »

    Voulez-vous encore un félibre ? C’est Marius Dumas, de Saint-Jean-de-Serres, qui en 1878 nous donnait sa « Chanson de la langue Cévenole ».

    Et le grand conteur de Saint-Jean-du-Gard Aimé Vignon, lorsqu’il nous présente, dans le CD Psaumes, cantiques et complaintes, un poème de Bigot en version cévenole, que nous dit-il ? Il nous dit, en français, que ce poème est « en langue cévenole »   
Nous sommes des réboussiès, vous dis-je : plus on nous affirmera que nous devons tous nous rassembler sous la croix de Toulouse, et plus nous affirmerons, nous, que nous ne connaissons qu’une seule croix, cette Croix Cévenole qui accompagne le titre de notre Almanach.
Vous allez peut-être me dire : « Mais cette Croix cévenole dont vous parlez, c’est une croix huguenote ! »
Moi, braves gens, je fais confiance à un Huguenot, historien du protestantisme et lui-même Pasteur de la Religion Réformée : je veux parler du Vivarois Charles Bost dont l’ami, le docteur Malzac de Lasalle, écrivit un article intitulé « A propos de la Croix Cévenole » e qui fut republié par Cévennes Magazine le 26 octobre 2013. Or que nous dit le Pasteur Bost dans cet article ?
Il écrit que « l’origine de ces croix dites cévenoles paraît plus ancienne que le protestantisme. »
Et j’en veux pour preuve que notre peuple, pour désigner l’ornement pendentif de cette croix, utilise un mot de notre langue : LOU TRISSOU, mot devenu si populaire que même en français on l’utilise, dans les articles ou les ouvrages, pour désigner cette Croix !
Cette Croix au Trissou, nous ne remercierons jamais assez les Huguenots cévenols de l’avoir popularisée : c’est notre CROIX CÉVENOLE, le symbole de notre identité authentique.

Quant à la croix de Toulouse, dite « occitane », elle est pour nous une croix étrangère, tout comme la langue « occitane » dont elle est le symbole.
Emb’acò pa mai, comme disait volontiers Mistral.

*+*+*

L’ARMAGNA CEVENÒU 

PER 2014

Ce texte, traduit du cévenol spécialement pour MARSYAS2, se trouve dans sa version originale en page 3 de l’Armagna Cevenòu 2014 qui vient de sortir aux Editions Aigo Vivo.
 Pour sa quatrième année, l’Armagna Cevenòu présente de nouveaux « armagnacaires », en particulier trois auteurs lozériens bien vivants et issus du même canton du Bleymard : Jean Jouve (qui avait déjà donné des textes à La Lozère Nouvelle) ; Hubert Nogaret (auteur du remarquable Glossaire patois-français du Bleymard publié récemment aux mêmes éditions Aigo Vivo) et Emile Philip qui se révèle le digne neveu de l’abbé Philip qui en 1956 et 1974 avait publié deux ouvrages dans notre langue. Parmi les « armagnacaires » vivants, on retrouvera aussi trois habitués, Didier Mauras de Lunel, Yves Gourgaud d’Alès qui est le baile de l’Armagna et Jean-Claude Roux que les Provençaux connaissent comme le baile de la belle revue Li Nouvello de Prouvènço mais que les Cévenols connaissent, eux, comme chroniqueur en lengo nostro à Cévennes Magazine.
Outre sa volonté de publier des auteurs contemporains, l’Armagna se signale par le désir de représenter l’ensemble des terres d’expression cévenole : c’est ainsi que les 5 départements qui utilisent notre langue sont présents cette année ; le Gard et la Lozère fournissent les plus gros contingents, mais l’Ardèche, l’Aveyron et l’Hérault n’ont pas été oubliés.
On notera, pour commémorer le centenaire du début de la Grande Guerre, trois beaux sonnets de Louis Stehlé de Ganges, dit Delpon-Delascabras, qui sont dédiés aux Poilus qu’il a côtoyés.
Pour commémorer le centenaire de la mort de Mistral, ce sont les traducteurs cévenols qui sont mis à contribution : deux traductions de strophes de Mirèio, l’une en graphie phonétique, l’autre qui reproduit en cévenol l’ensemble de la strophe mistralienne.
Le cent-cinquantenaire de la mort du poète-ouvrier Mathieu Lacroix, de la Grand’Combe, n’a pas non plus été oublié : on pourra lire une présentation de l’homme puis un extrait d’une de ses plus touchantes poésies, écrite après la mort de son fils.
L’Armagna poursuit la publication de l’ensemble de l’Evangile de Marc dans la très remarquable (et rarissime) traduction du Pasteur Fesquet, de Lasalle : après les chapitres I à IV publiés l’an dernier, on pourra lire les chapitres V à VIII.
Pour mieux se préparer à la visite du Musée du Désert à Mialet (entre Alès et Saint-Jean-du-Gard), l’Armagna 2014 reproduit l’intégralité du texte en langue cévenole qui est proposé à l’entrée de ce musée aux richesses exceptionnelles.

L’Armagna Cevenòu 2014 : un ouvrage de 56 pages au prix de 5 euro franco de port. Commande (accompagnée d’un chèque bancaire de 5 euro à l’ordre de : Yves Gourgaud) à l’adresse suivante :

Yves Gourgaud
56 avenue du 8 mai
30520 Saint-Martin-de-Valgalgues 

*+*+*

  

A. Glas : HIVER SANS FI - en patois cévenol de St André de Majencoules

 

 

 

 

HIVER SANS FI

Aoutrosfés los sosous régnavou sus lo terro
Chaqu'uno per soun tour; si fosièou uno glouèro
Dé si céda lou pas ol temps qu'éro morquat.
Mais, disou qu'ou ogut quaouquo difficultat
Et qu'ou fatch tant dé bruch, si sou tant quorélados,
Qu'o lo fi, sul terren, los coïffos sou sooutados.

Dé tout oquéstés trins ni sérié résultat
Qué lou frech, oquésté an, soï s'es endoroïrat.
L'hiver, lo pus michanto, o gognat lo victouèro
Et voouo sos très surs faïré quitta lo terro.
Si dis, d'un aoutré biaïs, qu'oquesté an, Oppouloun
O counfiat soun char o quaouqué Phoétoun,
Qué, réboussié d'oquel qué trouvan din l’histouèro
Bien hiuen de s'opproucha, s’élouègno dé lo terro,
Sé mestré Jupiter l'en fo pas répenti
Ooumen risquoro pas dé nous faïré rousti.
Tant y a qué din Juin encaro lo verduro,
O péno o coummençat d'embéli lo noturo;
Los flourettos qu'en Maï estalou sos coulous
Oou p'encaro hozortat d'espéli sous boutous.
Lou coucut si cobis, lou roussignouou soouvagé
Tout escas nous o fach entendré soun romagé
On oousis pas din l'air lous oousélous countens
Célébra per sous cants lou rétour del Printemps;
Lo fournigo dourmis, l'obeillo trofiquouso
Resto din lou brusquet et fo lo vergouniouso;
Lo cigalo aïmo tant l’ordou d'un bouon sourel
Qué si presso pas gaïré o sourti del crubel;
Tristés et hérissats, lous poulettous, pékaïré!
Quittou pas dé pioula, s'occlato jous so maïré.
Tout si sentis del frech, los mousquos, lous mouïssaous
D'enpiéï l'estiou possat oou pas quittat sous traous;
Lou borbojoou mouris, l'hiroundello esfroïado
N'o p’encaro pensat o bosti so nisado,
Et lo véïren béléou répréné lou comi
D'Othènos ou d'Orgos, per papus révéni.

*+*+*