F. Peise : LA... COUYOUNADO - CONTES DE SIEIFOURS

LA... COUYOUNADO

Un diminche matin, dedins soun banestoun,
Lou cura d’un peïs doun sabi plus loun noum,
Mais qu’ero pas fouaro de la Prouvenço,
Se n’en cresi la medisenço,
Ensucavo seis parouassiens
Em’ un prone deis pus anciens
D’un caïre aussi, l’un badailhavo
Au n’as d’un fabricien que dejà roupiavo.
Lou cura, maugr’ aco, fasiet soun pichoun trin,
Quand per un fenestroun, en faço de la chero,
Viguet cauqueis enfants que dedins soun jardin
Li mangeavoun seis fruits. Jugeaz de sa coulero!...
Cependant si countent. Dins lou fuech dau sermoun
Fasiet proun signe eme lou poun,
Eis galoupins que senso crento
Pitassavoun muscat, nespo, pero foundento.
Lou bedot, tout espanta,
Cresiet que nouastre cura
Aviet perdu la tremountano,
Vo ben qu’un tavan mal-appres
S’ero senso doute permes
De venir zounzounar dessouto sa soutano.
Leis pantous que sabien lou vieilh dins soun panier,
Se fichavoun pas mau deis signes que fasiet;

Goudiflavoun rasins et fıguos deis pus bellos,
Leis pecegues madurs, leis peros brisarellos.
Alors nouastre cura, parten de soun repau,
Coupo court au sermoun et dis: — Siou ben badau
De souffrir tout aco, n’es uno couyounado!
Leissan en dezo-uech la pesiblo assemblado,
Descende de la chero et courre à soun jardin.
Leis enfants, lou vesen, lamperoun lou camin
Senso li demandar soun resto.
Lou cura, qu’aviet bouano testo,
Fermo la pouarto à double tour,
Remounto au banestoun et repren soun discour.

Mais malhurousament que s’ero arresta court,
Et si souveniet plus en quunto parabolo
Aviet leissa seis gens. Per si remettre en trin:
— Quand aï couru, lis dis, per leou coupar camin
En cauqueis galavards qu’au luech d’estre à l’escolo
Endumiavoun dins moun jardin,
Ounte n’eri de moun latin?
Alors mise Puçu, devoto renforçado,
Levan oou ciel seis uils coulour de cassounado,
Lis dis d’un ton sucra:
— Bouan moussu lou cura,
N’eriaz à la couyounado!!!

BATISTO ARTOU : Uno marrido purjo - théatre marseillais du XIX

Uno marrido purjo

Voulès-ti ben vous porta? Aguès toujou lei ped caoud, la testo frèjo e lou ventre vueide. 

Acò's la fourmulo d'Ipoucrato.

Taou èro pa lou cas de misè Magaloun que dirien qu'avié près à la rebucitè la fourmulo doou celebre mègi grégou. Que voulès, lou mestié de bugadièro es pa fa per vous douna uno boueno santa: toujou d'a-ginous, lei ped e lei man dins l'aigo e lei tres quart doou jou lou gros souleihas su la testo. Basto, es de fet que misè Magaloun ello qu'avant si portavo coumo un bàrri, despuei quaoùquei temp èro plu la mumo: avié toujou lei ped fres, la testo caoudo e lou ventre balouna e du coumo uno peiro, per que poudié plu ana de l'avant; dieou de l'avant, voudrié bessai miès dire de l'arrié, m'ai m'avès coumprès, e per metre lei poueint su leis i, poudié plu veni daou corp. Lei marridei lingo, de li veire lou ventre tantgros misè Magaloun, avien fa courre lou bru qu'èro grosso: cavo que poudié que terni sa reputacien d'ounesto frumo, bord que soun ome, qu'es matalot su l'Escamandro dei Messajarié Maritimo, despuei toutaro un an, es en estacien en Chino.

Alor, su lou counseou de sa vesino, misè Senequé, boueno vieiho doou quartié foueço entendudo per lei malaoutié, misè Magaloun ané croumpa dous soou d'espargoulo co de moussu Rubarbo, lou drouguisto de la carriero dei Tres-Souleou, e lei prenguè, dins un toupin d'aigo, lou lendeman à jun.

Aro, misè Magaloun a plu lou ventre balouna, mai, pecaire, a manca peta, tant la purjo fouguè fouarto. Pardieouno, lou coumisot de moussu Rubarbo l'aviè empega douge soou d'espargoulo, de que purja un chivaou. 

D'aqui, demando en dooumàgi-interest davant lou jùgi de pas doou XIIIe cantoun.

*-*-*

LOU JÙGI. — Quand dias que sias estado de jou malaouto?

MISÈ MAGALOUN. — Quienge jou, moussu lou Jùgi, senso prendre soueidamen acò e en fent que veni daou corp. Senso coumpta que s'ai pa fa lei tripo, ana, es ben gràci siegue rendudo à Dieou. Pecaire, anàvi coumo uno fouent e, bouta, èro pa d'aigo de la Roso.  

LOU JÙGI. — E atribuas acò?

MISÈ MAGALOUN. — A l'espargoulo de moussu Rubarbo. Luego de mi douna uno purjo de gen, m'an douna de purjo de chivaou.

LOU JÙGI. — Avès di qu'èro misè Senequiè que v'avié counsiha aquello purjo.

MISÈ MAGALOUN. — Vouei, moussu lou Jùgi, misè Senequié, ma vesino.

LOU JÙGI. — E es aoutourisado, aquello misè Senequié, à faire lou medecin? A lou diplome?

MISÈ MAGALOUN. — Va sàbi pa, mai es tant ben entendudo per gari lei gen que m'estounarié pa.

LOU JÙGI — Li dias entendudo à n-acò! E enca'n paou restavias su lou carreou; s'èro pa
entendudo, alor, malur! Es eicito misè Senequié? Ebè! que s'aproche per veni douna d'esplicacien aou tribunaou. (A misè Senequié) Sias dooutur?

MISÈ SENEQUIE. — Nani, sieou vueouso

LOU JÙGI. — Sias vueouso, sias vueouso, es pa'no resoun acò per empouisouna lei gen.

MISÈ SENEQUIF. — Es un doun que lou bouen Dieou m'a douna de gari lei gen.

LOU JÙGI. — Li garças gari lei gen à vouestei drogo! Parei que la plagnento enca'n paou li petavo d'un pretendu remèdi que l'avès douna.

MISÈ SENEQUIÉ. — Lei gen que mi counsúrtoun an qu'à si louvanja de ieou.

LOU JÙGI. — Es pa misè Magaloun d'aou mens.

MISÈ MAGALOUN. — Ieou? Moussu lou Jùgi, ai que de gramacimen à faire à misè Senequié.

LOU JÙGI. — Mai venès pas vous plagne countr'ello?

MISÈ MAGALOUN. — Pa lou mendramen. Misè Senequié es uno bravo frumo qu'estimi foueço. E coumo voulès alor qu'àgui à mi plagne d'ello? M'a counsiha un bouen remèdi e vaqui tout.

LOU JÙGI. — Avès pa desclara qu'un paou mai li restavias de la purjo de misè Senequié? De la pariétaire que v'a ourdouna?

MISÈ MAGALOUN. — De gàrri de terro que m'a ourdouna? M'a pa ourdouna de gàrri de terro, m'a di soueidamen de prendre dous soou d'espargoulo.

LOU JÙGI. — Es pa questien de gàrri de terro ni de garri de mar... d'espargoulo, s'eimas miès, qu'es lou noum prouvençaou de la pariétaire, de la pa-ri-é-tai-re.

MISÈ MAGALOUN. — Es pa contro l'espargoulo que n'en vouèli, es contro la quantita que m'en an fa prendre.

LOU JÙGI. — Quand n'avès près?

MISÈ MAGALOUN. — Per douge soou dins un litro d'aigo.

LOU JÙGI. — Per douge soou! N'avié aquit per purja tout un oustaou. E es misè Senequiè que v'a di de n'en tant prendre?

MISÉ MAGALOUN. — Misè Senequié, pecaire, m'a di de n'en prendre per dous soou, mai es lou drouguisto que m'en a douna per douge soou.

LOU JÙGI. — A vougu poussa à la counsoumacien!

MOUSSU RUBARBO. — Pardon, monsieur le juge je n'ai point voulu pousser à la consommation... Il y a eu erreur d'interprétation.

MISÈ MAGALOUN. — L'a pa d'interpretacien que tengue. Ai demanda à voueste coumisot dous soou d'espargoulo e m'en a fa bel e ben prendre e paga per douge soou, qu'acò 's esta l'encaouso qu'enca 'n paou fasieou tripo e bedeou, que sieou restado quienge jou malaouto, e que n'en sieou estado per siei vesito de medecin e per des-e-iuè franc de remèdi.

MOUSSU RUBARBO. — Aro qu'avès debana voueste cabudeou, un paou, à ieou, sieouplet. (A moussu lou jùgi) Mon honneur de droguitre étant engagé dans cette affaire, je paierai à madamo tout ce qu'elle réclamera par devant le tribunal...

MISÈ MAGALOUN. — V'entèndi ben ensin. Tè, prendre lei gen per de chivaou!

LOU JÙGI. — Coupès pa moussu. (A moussu Rubarbo). Vous avez parlé d'une erreur, veuillez vous expliquer.

MOUSSU RUBARBO. — Voici, monsieur le juge, j'ai un commis qui est du Nord. Madame, je le vois, a bien demandé deux sous d'espargoule, mais comme elle a voulu parler français, elle s'est mal exprimée et a dit deuse sous pour deux sous. Or, mon commis a compris douze sous et il en a donné pour 60 centimes. Indè error!

MISÈ MAGALOUN. — V'arranjo ensin, moussu Indé error, mai pagara.

LOU JÙGI. — Bord que v-a proumès.

Moussu RUBARBO. — E m'eisecutarai, e repararai ensin la faouto de moun coumis.

MISÈ MAGALOUN. — Aco v'aprendra de garda un couihèti de coumis que si saoup pa de que peïs es. Se li parlas francès, vous coumpren pa; se li parlas prouvençaou encaro mens. V'imaginarès que l'a fougu douei grosseis ouro per sachè ce qu'es d'espargoulo!...

*+*+*+*+*

F. Peise : LOU GARRI ET L’ELEPHANT - Le Rat & l'éléphant (bilingue français & toulonnais)

LOU GARRI ET L’ELEPHANT
 

FABLO REVIRADO 

DE LAFONTAINO

Un pichounet ratun, sortent de sa garrigo,
Sus soun camin rescontro un Elephant,
Et autant dessena que poou v’estre un enfant,
Vent s’amusar à li faire la figo.
— Te, ve, disie, d’aqueou Caramantran!
Et de que pouarto sus l’esquino ?
Carregeo aqui dessus deis Indos lou gran Kan
Soun chin, soun gat, soun jacquot, sa mounino
Et sa battarie de cousino.
Et piei cadun si mette à ginoux davant d’eou;
Que soun fadas, leis gens, de faire lou beou-beou
Davant d’aquello grosso masso!
Crei dounc de m’esfrayar en tenent tant de plaço?.....

t coumo s’en fasent vo mai vo m’en de brut
Poudias passar per un darut.
Mai tout garri que siou proumetti, s’acot duro,
De n’en faire avalar de verdo et de maduro.
Cresoun beleou que siou la mita d’un... coudoun?
Lou garri n’ero pas au bout de soun sermoun
Que lou gat, sortent de sa gabi,
Li prouve qu’un ratun, mai siegue un beou parlant,
Ero pas tant qu’un Elephant.
Et lou paure ratun fet un pet coumo un babi.

*+*+*

Le Rat & l'éléphant

Se croire un personnage est fort commun en France.

On y fait l’homme d’importance,

 Et l’on n’est souvent qu’un bourgeois  :

 C’est proprement le mal françois .

La sotte vanité nous est particulière.

Les Espagnols sont vains, mais d’une autre manière.

Leur orgueil me semble en un mot

Beaucoup plus fou, mais pas si sot.

Donnons quelque image du nôtre,

Qui sans doute  en vaut bien un autre.

Un Rat des plus petits voyait un Eléphant

Des plus gros, et raillait le marcher un peu lent

De la bête de haut parage,

Qui marchait à gros équipage.

Sur l’animal à triple étage

Une Sultane de renom,

Son Chien, son Chat, et sa Guenon,

Son Perroquet, sa vieille, et toute sa maison,

S’en allait en pèlerinage.

Le Rat s’étonnait que les gens

Fussent touchésde voir cette pesante masse :

Comme si d’occuper ou plus ou moins de place

Nous rendait, disait-il, plus ou moins importants.

Mais qu’admirez-vous tant en lui vous autres hommes?

Serait-ce ce grand corps, qui fait peur aux enfants ?

Nous ne nous prisons pas, tout petits que nous sommes,

D’un grain moins que les Eléphants.

 Il en aurait dit davantage ;

Mais le Chat sortant de sa cage

Lui fit voir en moins d’un instant

Qu’un Rat n’est pas un Eléphant.

JEAN DE LA FONTAINE

Livre 8, fable 15

P. Bigot : FINETO

FINETO
 

O fineto tant poulido,
Tant crudèlo aussi!
Perqué semenes ma vido
De tant de soucit?
Chasque mot de ta bouqueto
Es pèr me facha,
Se vos m’aima, Fineto,
Leisso-me t’aima!
 

T’aima, bouto, hou podes crèire
Sèns te mesfia,
Se rèste un jour sèns te vèire,
Sièi desvaria.
Quand passes davans ma porto
Moun cor trefoulis,
Sèmblo qu’un anjo me porto
Dins lou Paradis.
 

A la Font, au Tour de Vilo,
Quand vas proumena,
Dedins la foulo, entre milo,
Save te trouva.
Devigne ta façouneto
Emai siegue escur:
L’iuel trovo vite, Fineto,
Quand cerco em’lou cur!
 

Noun, pode pas me retène
De t’aima toujour,
Sièi triste quand me souvène
De nòsti amour,
Sian urous de nous sourrire,

Nous sarra la man,
De nous parla sèns rèn dire,
En nous regardant...
 

Ingrato, me desespères,
E pamens, un sèr,
Dins un poutoun me dounères
Un pauquet d’espèr.
Me dounères tres floureto,
Li counservarai:
Tus óublidaras, Fineto,
Iéu me souvendrai!

*+*+*

Mistral censuré par Youtube : Bergougna !!!!

Ce poème, publié dans “Li Òulivado” (Les Olivades) en 1912, témoigne de l'importance de l'enracinement des peuples et de la désintégration lente et méticulleuse qui s'est opérée sur les identités régionales.
Comme cela se fait depuis que le site est créé (2005), la chanson Au Pople Notre s'est trouvée sur le site "You Tube", site hébergé en Californie (USA).

Les administrateurs sont-ils experts en langue provençale ? Le doute est permis.

Quoi qu'il en soit, le site a, en septembre 2012, ARBITRAIREMENT et OUTRAGEUSEMENT censuré la chanson au motif qu'elle portait un "discours de haine".

MISTRAL CENSURE ! Faut-il en rire ou en pleurer d'écœurement ?

Que dire des vociférations hurlées par des rapeurs excités pronant mille vilénies envers nos forces de l'ordre et nos institutions...
A n'en pas douter, entre la Californie et la Provence, nous n'avons pas les mêmes valeurs... morales. 

Divers sites ont relevé la censure effectuée par Youtube. Ils ont aussi publié le poème en provençal et en français. Il est toutefois dommage que la traduction en français n'est pas EXACTEMENT celle faite par F. Mistral.

Voici le poème en lengo nostre avec la traduction française - de Frédéric Mistral - en regard.

Que chacun juge.

              Au Pople nostre                                           À notre Peuple                   

Paure pople de Prouvènço,                 Pauvre peuple de Provence,
Sèmpre mai entamena.                         Entamé de plus en plus,.
Sènso sousto ni defènso,                     Sans abri et sans défense,
Is óutrage abandouna !                      Aux outrages abandonnés !

A l’escolo te derrabon                           A l’école on t’arrache,
Lou lengage de ti grand                        La langue de tes parents,
E toun desounour acabon,             Et l’on achève ton déshonneur,
Pople, en te desnaturant.                   Peuple, en te dénaturant.

Di vièi mot de toun usage                 Des vieux mots de ton usage
Ounte pènses libramen                       Où tu penses librement
Un arlèri de passage                            Un impertinent de passage
T’enebis lou parlamen.                         T’interdit de le parler.

Te mastrouion li cervello,                     On patine ton cerveau,
T’endóutrinon coume un niais,          Comme un niais on t’endoctrine
Pèr fin que la manivello                      Afin que la manivelle
Vire tóuti au meme biais.              Tourne pour tous au même biais.

Toun Istòri descounèisson,               On méconnait ton Histoire,
Te la conton d’à rebous ;                     On te la conte à rebours ;
E te drèisson, te redrèisson                On te dresse et te redresse,
Tau qu’un pople de gibous.                 Tel qu’un peuple de bossus.

Te fan crèire que sa luno                   Ils te font croire que leur lune
Briho mai que toun soulèu,                   Brille plus que ton soleil,
E toun amo s’empaluno,                             Et ton âme s’enlise,
Aplatido em’un roulèu.                             Aplatie sous le rouleau.

Te fan crèire que ti paire                   Ils te font croire que tes pères
N’an jamai rèn fa de bon                   N’ont jamais rien fait de bon :
E, reguergue à l’usurpaire,                   Et, revêche à l’usurpateur,
Jamai res que ié respond !                 Nul Jamais qui lui réponde !

Ti bèlli cansoun bouniasso,              Tes belles chansons naïves,
Lis óublides, o badau !                         Tu les oublies ô badaud !
Pèr li vilanié bestiasso                        Pour les vilenies stupides
Que te plovon d’amoundaut.               Qui te pleuvent de là-haut.

Sabes plus ourdi ti fèsto,                  Tu ne sais plus arranger tes fêtes,
Sabes plus jouga ti jo :                          Tu ne sais plus jouer tes jeux :
Pièi quand as chanja de vèsto,          Puis, quand tu as changé de veste,
Rèstes pigre coume Jo.                          Tu restes gueux comme Job.

E pamens es tu la mena,                       Et pourtant c’est toi la mine,
Lou grouün de la nacioun,                         Le couvain de la nation,
Ounte Aquéu d’amount semeno                Où Celui là-haut sème
Soun èterno creacioun.                               Son éternelle création.

Tu, sauvant lis abitudo                            Toi, sauvant les habitudes
E lou gàubi dou Miejour,                            Et l’allure du Midi,
Sauves la coumparitudo                         Tu sauvegardes l’harmonie
De la raço e dóu sejour.                                De la race et du séjour.

Nosto lengo e si prouvèrbi                   Notre langue et ses proverbes
An soun nis à toun fougau                       Ont leur nid à ton foyer
E nous gardes la supèrbi                           Et tu nous gardes l’orgueil
De ti fiho que fan gau.                                De tes filles délectables.

Pèr te faire dire seba                              Pour te réduire à merci
Tout te cougno : mai, testard,                 Tout te presse ; mais, têtu,
Rèn qu’em’ un fuiet de cebo                 Rien qu’avec un feuillet d’oignon
Te remountes bon sóudard.                      Tu te remontes bon soldat.

Tu soulet foses la terro                          C’est toi seul qui fouilles la terre
E rebroundes l’óulivié                                Et qui tailles l’olivier :
Cerques lou bonur ounte èro              Tu cherches le bonheur là où il résidait
E la joio ounte n’i’ avié,                              Et la joie où elle était,

Quand li gènt se countentavon              Quand les gens se contentaient
De crussi lou pan d’oustau                    De mordre au pain de ménage
E que tout lou jour cantavon             Et qu’ils chantaient tout le jour
Sus l’araire e lou dentau.                           Sur la charrue et le soc.

Mai, bèu pople, lou pos vèire             Mais, beau peuple, tu peux le voir
Li rasclet, li margoulin,                             Les criquets et les drôles,
      Que mespreson vuei si rèire       Qui aujourd’hui méprisent leurs ancêtres
Noun se croumpon de moulin.                 N’achète pas de moulins.

Memamen l’aucèu de gàbi                       L’oiseau de cage lui-même
Qu’a de grano soun sadou,                     Qui a de graines son saôul,
Fau que more de l’enràbi                        Finit par mourir de rage
Davans soun abéuradou.                            Devant son abreuvoir.

Que ta visto donne s’alargne,                 Que ta vue s’élargisse donc,
Pople, sus toun païs dous,                     Peuple, sur ton pays doux,
Car se dis qu’un chin de pargue             Car un chien de bergerie
Sus sa sueio n’en bat dous.                    Sur sa litière en bat deux.

Fose ti can toun, refose                            Fouille tes lopins, refouille!
Parlo fièr toun prouvençau,                      Parle fier ton provençal,
Qu’entre mar, Durènço e Rose             Si entre mer, Durance et Rhône
Fai bon viéure, Diéu lou saup !               Il fait bon vivre, Dieu le sait !

Frederi MISTRAL, Janvié 1905

*+*+*

Louis Brès : LI CHERUBIN

LI CHERUBIN
Parla dau Coumtat.
 

Oh! digo, digo, bono maire,
Quand me poutounes lou matin,
Quand ai fa JEUSE eme moun fraire,
Perque mi dies moun Cherubin?
 

Li Cherubin digo-me, maire,
Se soun pichoun, lest coumo ieù,
E se, quand plouroun à-n-un caire,
Leu lis assolo lou bouan Dieù ?
 

Lou dimenche, li jour de festo,
Que, digo-me, li fan-ti beù?
Ye pinpoun-ti si belli testo,
Ye baioun-ti de brassadeù?
 

Eiça quand ven lou temps di péro,
Que s’amaduroun li meloun,
Li menoun-ti dessus lou sero
I jardin, lieun de si nounoun ?
 

Piei en sautent de si bressiero,
Soun-ti poutouna lou matin?
Coumo ieù fan-ti si prièro,
Mama, li pouli Cherubin?
 

Louis Brès

*+*+*+*

P. Bigot : 2 poésies & un envoi de F Mistral

 RICHE E PAURE
(Parabolo de Lazàri e dóu marrit Riche)

Voulès que vous la conte?... Ah! vous la countarai.
L’istòri que vous parle es pas de jita ‘ilai,
Un dijòu, en vihant, ma grand me la countavo,
Ço que disié ma grand dins ma tèsto a resta,
Voulès que vous hou conte? An! vous hou vau counta,

-I’avié ‘no fes un ome qu’èro
Riche, riche coumo la mar.
En plano avié de bòni terro,
E de bèlli vigno au cagnard,
Avié bon lié, bono cousino,
De louvidor à la gogò,
Un bèl mantèl sus soun esquino,
Sus sa taulo de bon fricot.
 

A sa porto, un vièl travaiaire,
Afrejouli, maigre, afama,
Demandavo soun pan, pechaire!
Car poudié pas pus lou gagna.
Mai lou richas lou rambaiavo:
-Pode pas te douna, vai-t’en!
Soun chin, pus tèndre, lou lipavo,
En l’escaufant de soun alen.
 

Diéu, que vèi tout ço que se passo,
D’eilamoundaut devistè ‘cò,
Mandè la mort faire sa casso,
E ié diguè: -Fai double cop!
E la memo niue, frejo e redo,
La memo niue, la mort prenié
Lou riche sus soun lié de sedo,
E lou paure sus soun fumié.
 

Mai lou paure, dins l’autre mounde,
De si peno veguè lou bout.
Lou riche, de si bèn abounde,
Quand seguè’ilai manquè de tout,
Mort de fam e de set, plouravo,

Lou paure èro i pèd dóu Bon Diéu,
Lou Riche de liun ié cridavo,
-Brave ome, agués pieta de iéu!
 

Cridavo au vièl gardian que viho
A la porto dóu Paradis:
-Ai! ai! moun gousié ‘s d’estiho!
Ai! ai! ma lengo se roustis!
Mandas-me ‘n degout d’aigo, vite,
Au nom de Diéu! Lou vièl gardian
Ié fai responso: -Aro siès quite
Em’aquel paure, moun enfant!
 

As agu ta part sus la terro,
Lou paure a sa part dins lou cièl.
Segu, plagne bèn ta misèro,
Mai, ve, pode pas faire mièl.
Lou camin, un grand cros lou barro
De iéu à tus, de tus à iéu,
Aquel grand cros que nous separo,
Riche, es la justiço de Diéu!.
 

-Bon vièl, mandas dire à mi frèro
Qu’au mens fagon pas coumo iéu.
-Ve! li mort qu’anarien sus terro
Sarien pas cresegu di viéu.
Ti fraire savon sis afaire,
E iéu save li miéune, pièi,
Diéu ié dis proun ço que fau faire:
An pas mai qu’a segui sa Lèi.

Ma grand me diguè ‘ncaro: -Au camin de la vido,
Fau que lou devé marche en avans dóu plesi,
Nous fau pas èstre sourd quand lou malurous crido,
Ni pèr faire l’óumorno èstre pingre e mousi.
 

Devèn nous ajuda tóuti coumo de frèro,
Se tenèn de varlet, saupeguen li paga:
Vau mai pas li laissa toumba dins la misèro
Que de ié traire un sòu quand ié soun enfanga.
 

Pèr malur, i’a de gènt que sèns èstre canaio,
Trovon que l’on pot viéure emé vint sòu pèr jour,

Tènon si bras en crous quand lou paure travaio,
E despènson vint franc, emai de fes soun court.
 

D’àutri, segu, moun Diéu! volon pas lou partage,
Mai fan landa soun fiò di gavèl dóu vesin,
Toujour de soun coustat póutiron l’acatage.
Tus au mens, moun enfant, te fau pas faire ansin.
 

Se dins l’or e l’argènt la fortuno te porto,
Souvèn-te que toun paire èro travaiadou,
E qu’i paure coumo el deves te faire ounou
De pas barra toun cor, ta bourso, ni ta porto.

-Ma grand, en fasènt soun traval,
N’aurié pres d’amount e d’aval...  

Mai de soun escoulaire avié’caba la bourro,
E noste vièl reloge avié pica dès ouro.
 

*+*+*+*

MA PENSÉE
 

Sous les grands pins rougis aux clartés du couchant,
Par quelque âpre sentier quand je rêve en marchant,
Pareille à l’hirondelle en sa course pressée,
Franchissant monts, ravins et l’espace et le temps,
Joyeuse, vers les jours fleuris de mon printemps
Vole mon ardente pensée.
 

Heureux, je vois encore notre pauvre maison,
L’aire où j’allais, pieds nus, dans la chaude saison,
En mes ébats fouler le gazon et l’argile;
Et puis les épis d’or se dressant au milieu,
Et les chevaux aux crins flottants, à l’œil de feu,
Les courber sous leur ronde agile...
 

Et je m’assieds encore à notre vieux foyer;
Je regarde ma mère et mes sœurs travailler
Près de la table, au feu de la lampe fumeuse;
La voisine allaitant son jeune nourrisson,
Et puis en le berçant lui dire sa chanson,
Sa vieille chanson amoureuse.
 

Dans la brume lointaine il m’est doux de revoir,
Mon vieux père courbé par le travail, le soir,
Grave, au pied de mon lit écouter ma prière,
Ecarter le rideau quand j’allais m’endormir,
M’arranger dans ma couche et puis, pour me bénir,
Mettre un baiser sur ma paupière.
 

Je vois ma vigne verte étalée au soleil,
Encadrant ma fenêtre avec son fruit vermeil,
Et les murs enfumés de notre vieille école;
Le magister humant sa prise avec lenteur,
Et le temple en ruine, et notre vieux pasteur
A la douce et grave parole...
 

Ces morts, par ma pensée à la tombe ravis,
Passent en me montrant leurs visages amis,
Et je puis les aimer et les bénir encore:
Depuis ma jeune sœur et mon aïeul tremblant,
Jusqu’à ma pauvre mère et mon plus jeune enfant,
Mort loin de moi dès son aurore.

Puis ceux qui ne sont plus font place à ceux qui sont.
Malgré le mont altier et le ravin profond,
Près de ma cheminée où la flamme pétille,
Je cause avec les miens.  Fier, j’arrête mes yeux
Sur le front de mon fils,  et je veille joyeux
Au pied du berceau de ma fille.
 

Et puis je vous revois, vous, ange de douceur,
Dont l’âme de mon âme est l’amie et la sœur,
Vous que de nos chemins les ronces ont blessée,
Vous dont le souvenir m’accompagne en tout lieu.
 

Et je me dis tout bas: béni soit le Bon Dieu
Qui nous a donné la pensée.

- - - 

Envoi de F. Mistral en avant-propos


Mon cher Poète,

J’ai trouvé un grand charme à la lecture de vos Rêves du Foyer, et je vous félicite d’avoir publié ce recueil de belles choses. En les lisant je me sentais sourdre au cœur tous les sentiments bons et généreux. Le souffle d’honnête homme qui inspire si heureusement tous vos chants transfigure aux yeux de Dieu cette guirlande poétique en chapelet de bonnes œuvres. Toutes les fois que vous abordez les grands sujets religieux ou poétiques vous excellez et vous frappez au cœur.
Tenez, votre Pasteur du Désert est un morceau admirable de simplicité de conviction religieuse, de sobriété et de grandeur. C’est le chef-d’œuvre du volume et cela ne s’oublie pas.
Je retrouve cette conviction profonde aussi fortement exprimée dans la Bible. Très beau encore! Un coin d’histoire est très pathétique et c’est un chant d’épopée. Quoi de plus gracieux et de plus touchant que ce tableau intitulé Ma pensée?
 

Et maintenant mon cher Bigot maintenant que vous aurez rendu à la muse française ce qu’elle vous a donné il ne faut pas dédaigner la muse de la patrie. L’accent profond qui caractérise la plupart de vos chants du foyer est accusé encore plus franchement dans vos créations languedociennes. J’en atteste votre Vièl mèstre d’escolo simple et touchant comme le vieux ménétrier de Béranger et vos Rachalan patriotes qui feraient pâlir la Marseillaise.
Adoncques, ne perdez pas de vue votre volume de Poésies provençales; il ne fera pas honte comme pendant aux Rêves du Foyer, et vous irez rapidement par lui au cœur et à l’âme de ces nobles travailleurs que vous comprenez si bien et que vous interprétez si dignement. 

MISTRAL.
Maillane (B.-du-R.), 16 juin 1860,

*+*+*