En remembranço à Jean Pierre Belmon
TRISTOUR
Se moun amo es tristo,
S'ai lou cor en dòu,
Es de l'avé visto
Long un rajeiròu.
Mau-grat l'aigo claro,
Lis aubre flouri,
La doulour qu'ai aro
Me fai trop soufri.
Ma vido, pecaire,
Es que pensamen
Soun vira de caire
Mi countentamen.
Tèms en tèms se courre
D'eici mai d'eila,
Arresta, se ploure,
Res vèn m'assoula.
Ni luno que briho,
Ni soulèu ardènt,
Ni cant d'auceliho
Me fan plus countènt.
Mai lou riéu cascaie,
Raiant au pesquié,
Liogo que m'esgaie,
Siéu que mai inquiet.
La tant douço aureto
'Mé soun dous murmur
Beisant li floureto
Fai plus moun bonur.
Rèn pàu me distraire,
Mi bèu jour s'envan.
Mi soucit li traire
Es pèr iéu en van.
La bello Cravenco
Èro moun soulas
De l'erbo maienco
N'es partido, ai! las!
Se liuen de Durènço
Trèvo d'àutri flour,
Desempièi siéu sènso
De joio e d'amour.
*+*+*
Aucun commentaire:
Enregistrer un commentaire