Léon Armand : LOU LOUT E L'ANHEL - pouesìo carcinolo - une idée d'Alan Broc

.




LOU LOUT E L'ANHEL



Un chour un paure anhèl s'escartet de sa maire,
Oh, sans zo voulé fa !
Decha lou paure armou, pecaire,
Coumençabo de gremecha,
Car dempèi lou mati cercavo
E lou chour cèrtos s'en anavo,
Paure efont ! Ound' ana coucha !
N'ausabo pas bouta un pé dabont lous autres,
Soul dins d'un bosc : Coumo el aurias achut pòu vautres,
Chès ! Que batio soun pichou cor !

Tout d'un cot vèi un lout que dor,
Aquel lout èro un lout que venio d'un uflache
Abio lou ventre plo garnit ;
Mès d'un anhelou d'aquel ache
Un lout es touchour aganit ;
« Qué fas tu apr'aicis ?! » Li diguet en coulèro.


Helas, moussu, cerqui ma mèro.
N'es pas vertat. Es per me revelha
Que fas en semblant de ploura.
Qué vol dire acò, à toun ache
De counesse to pauc l'usache.
N'èi pas voulgut vous derencha »,

diguet l'anhel, m'en vau n'ana.

Nou, nou ! So-fet lou lout, aprocho
E tiro loi mos de la pocho,

Qu'es acò davont iou de touchour tremoula ?
Semblo qu'on volgo vous mancha ?
Agacho-me, per Sant Chan me panèrou
Un brave talhou de crabit
Que gardabi per un amit ;
M'òu dit qu'acò's tu, te vechèrou !


Iou, moussu lou lout, noun-pas cèrtos,
N'èri pas nascut per cubèrtos. (= per lei semenados)
Estai siaud, lou t'òu vist mancha.
Moussu, me poudès plo 'scusa...
Tè ! la counscienço te reprocho !
Ès tu que panes mous rascals ?
Iou moussu ? Foulhas-me la pocho !
Pardi ! Lous as manchat aval !
Coussi voudrias que lous trucessi ?
N'èi pas de dents.
Te disi qu'ès pas qu'un empudent ;
Meritorios que t'aprenguèssi
A t'escarta de toun troupel. »
Qué tramblabo lou paure anhel !
E l'in cal pas fa tort, pecaire.
Voulguet be prou s'escusa.
La pòu l'empachet de parla.


Anen ! So-fet lou lout, vési que vales gaire
Decha n'ès qu'un vau-rien,
Se venios grand sarios qualque Mandrin,
Ou qualque Nhato !
Te voli courricha ! » Tolèu d'un cop de pato
Lou toumbet mort !
Lou lendemô sa maire lou plourabo.


Voulé abé rasou am d'un plus fort
Acò's coumo se l'on cantabo.

Léon Armand

(escrit vers 1840, publicat en 1888)

Notos :

Remarcat que l'autour dis « la maire » din lou tèste e que l'anhèl dis « ma mèro » quand parlo.

Mous rascals : li rascals sou la partido utilo de la noutz



.

P. Berengier : Sant Ro s’espacejo

.

Sant Ro s’espacejo

Sant Ro es plus marca óuficialamen au cartabèu di sant autenti, mai empuro toujour la fervour poupulàri. Sant clapassié dóu siècle XV, rèsto bèn estima e prega à Mount-Pelié mounte viéu touto uno tradicioun à soun entour.

Sant Ro es un di sant li mai prega contro la pesto, lou coulera la gripo espagnolo quand toumbo lou cas. Vai ansin, qu’es au siècle XVII, au moumen de la guerro de trento an, à la fin de la guerro de 14 pèr eisèmple que lis archiéu mostron que fuguè lou mai prega. Quand i’avié lou mai de pudemié e de risco. Es lis endré li mai touca que lou culte i’es lou mai grand.

Se vous ramente tout acò es que Couleto Pinson, uno istouriano walouno, vèn de ié counsacra tout un oubrage bord que Sant Ro s’es deloucalisa e que d’estudia soun istòri (la « pichoto » istòri ?) acò adus forço à la couneissènço de la grando, l’Istòri em’un grand I. Aquel oubrage ligo d’aiours istòri e istòri de l’art emé tóuti lis estatuo que ié soun counsacrado (« Sant Ro ‘mé soun chin » coume disié lou brave Charloun).

Se voulès tout saupre de noste sant encò de nòsti vesin, fau legi : « Saint Roch, entre peste et choléra » de Colette Pinson (encò de l’autour, rue des Bâtisseurs, 1/202, 1348 Louvain-la-Neuve).

P. Berengier

.

Nicola Dal Falco : Fezzanese ed altro ...

.

Fezzanese



sotto il riparo

collo di giraffa
cuore di gazzella

sottile ha il collo
come il tronco
dell’acacia

dal lobo
alla spalla
c’è la distanza
di due stelle

collo di giraffa
cuore di gazzella

all’ombra dell’acacia
più chiara
è la notte

uan amil

*+*+*


Sia lode

Sia lode
al petto dell’allodola,
al fiore di sabbia
che il vento ha sillabato,
pochi gradini mi separano
dal dorso della duna,
qualche pollice appena,
il tempo di un versetto:
sia lode a Dio…

*+*+*




benedetto

benedetto
è il vento
sulla duna

scende e modella
parole e abbracci

Erg di Ubari

*+*+*


IGAHAN

pagina di sabbia
pollici girati
per sentieri
di scorpioni
e di effemeridi

ho letto
ho visto
i fuochi e le lune
scritte in fondo
al cuore
sul ciglio
della pista

Acacus

*+*+*

TAKLI,
TAKLI!

l’orizzonte
è a un passo

un nulla solido
come la piana
il cielo impervio
del suo sguardo

a oriente
dei giorni

Garama

*+*+*

tette di cagna
cagna celeste
che corre
nel cerchio della notte
nel cerchio d’ombre
intorno al fuoco

al suo capezzolo
duro di latte
dolce di mandorle
vorrei sostare
succhiare il latte
dal cielo e poi
riposare

Messak Mellet

*+*+*



la luna
come la bocca
dell’assetato

morsa a metà

svuotata di baci

.

Peireto Berengier : Lou tresor di mot de la boulenjarié

.

Lou tresor di mot de la boulenjarié

Fai quàuquis annado, lou majourau Bernat Giely nous avié regala d’un rouman qu’avié pèr titre « Fiò de bos », rouman que ligavo li fournié e li « harki ». Felen de fournié que felen de fournié, noste majourau poudié pas tout saupre dóu parla dóu mestié. Autambèn avié travaia, travaia…

Despièi, countùnio de travaia que beilejo lou Counsèu de l’Escrit Mistralen pèr adouba e coumpleta lou TDF. Vuei, ligo pèr nautre lou travai de « Fiò de Bos » e aqueste travai de leissicougrafe e nous pourgis « Lou tresor di mot de la boulenjarié ».

Quau vous a pas di qu’aquéu « pichot diciounàri », fai pamens si 164 pajo ! 114 pèr lou diciounàri éu-meme, pièi un vintenau de pajo pèr li prouvèrbi e lis espressioun liga au pan, e enfin un tretenau d’autro pèr li tèste mounte Mistral parlo de pan ! Un oubrage requist, un oubrage de beneditin coume d’acoustumado.

Lou majourau Giely nous proumés d’àutri diciounàri de la memo meno, proun que cade especialisto se cargue dóu diciounàri relatiéu à soun mestié vo à sa passioun. Es lou C.i .e.l d’Oc qu’edito aquelo tiero mounte trouban peréu lou proumié tome de la gramatico prouvençalo dóu meme autour (tome relatiéu i letro). Esperan dins gaire lou segound sus lis ajeitiéu, e countùnio que countuniaras, auren tout ço que fau pèr plus escarni nosto lengo en la trop franchimandejant…

Peireto Berengier

Lou diciounàri costo 5 € e se n’en voulès pourgi un à voste boulengié, lou segound es qu’à 2 €. C.I.E.L d’Oc, 3 pl. Joffre, 13300 Berre-l’Etang.
http ://www.cieldoc.com


.

J.E. Castelnau : PÈR NADAU - pour Noël - 1884

.


3 premières Photos, ci-dessous, copyright Pierre Madec à retrouver sur : http://www.provencetraditionsphotos.fr

Photos de la crèche vivante de Mollégès : le 18 décembre dernier

...

PÈR NADAU


A MADAMA E MOUSSU BENOUET-LEENHARDT


Sèn arribats à la fin d'aquel an
Qu'a lach fusa mai d'una ama galoia,
Qu'a fach fugi tant d'espèr, tant de joia,
Jout lou boufet de soun orre espravant.

Prada, castèl, bouscage, oustau, patria,
Coumba, draiôu, mar linda, serre brun,
Oumbra, clartat, an sentit l'amarun
Que lou moustràs de tout caire coungria.

Tambèn, n'i'agut de flous e de ramèus,
Gimblats, macats, enrabala ts pèr orta,
Dins aqueste an que detràs el emporta
Couma un voulur lous trésors subre-bèus !...

Tambèn n'ai vist, aquesta pountannada,
De pôu, au nis, d'aucèls estrementi...
Se quauque cant s'ausissiè resclanti,
Èra lou chot ou la rata-penada.

N'ai vist panli d'estellas au trelus,
E cugà l'iol couma quaucun que fougna;
Pioi tras l'escur la luna, de vergougna,
Càbi soun lum qu'esclairava pas-pus.

N'ai vist secà de fiâmes cacalasses
E regoulà de lagremas au sôu,
As revoulums de coumerce, de dôu,
Qu'an engrunat de gents e d'oustalasses !

Urous aquel que, dejout soun téulat,
Sans escrancà soun cor de malurança,
A sèmpre vist lusi de l'esperança
Lou grand calèu qu'a tout reviscoulat.

Urous aquel que, contra touta espéra,
A vist cremà sa fe couma un flambèu
Davans lou Dieu qu'a trach d'en naut soun flèu,
Pèr esprouvà l'orne subre la terra !

Urousamen qu'au càrri rampelous
Que vai e vèn trepihant nosta vida,
L'ange de pas dins sa man pren la brida
E laissa au sôu de-fes toumbà de flous.

Belèu deman, à l'auba clarinella
Que de rais purs vendran poutounejà,
L'ange amistous farà voulastrejà
Dau grand relarg soun ala blanquinella.

Aquel espèr es assoulaire e bèu!
D'aimà, de creire, es un trésor pèr l'ama,
Un fioc que res n'en damoussa la flama,
Un brout flourit que pendoula au ramèu.

Es lou printèms de l'eternala prada,
La voués divina, au cor, que trefoulis
Pèr faire ausi qu'es au ciel qu'espelis
Lou rai qu'esclaira e Pauba e la vesprada...


*+*+*




MANDADIS
A l'oura que l'ange d'en naut
Cantarà de sa voués clareta,
0 Musa, que me fas tant gau,
Ounte seras, gènta sourreta?

Voudrièi, la vèia de Nadau,
Qu'espeliguèsses, pecaireta !
Au bèu mitan d'aquel oustau,
Entre lou paire e la meireta !

Anen, camina, landa, vai;
Sans te chautà dau frech que fai,
Doubris toun ala, ama galoia,

Pèr escunlà touta la joia
E dounà la felecitat
Embé ta gracia à l'amistat !

24 de Desèmbre de 1884

*+*+*+*+*

POUR NOËL


A MADAME ET MONSIEUR BENOIT-LEENHARDT


Nous sommes arrivés à la fin de cette année — qui
a fait partir plus d'une âme joyeuse, — qui a fait fuir
tant d'espoir, tant de joie, — sous le souffle de l'affreuse
terreur.

Prairie, château, bocage, âtre, patrie, — vallée,
sentier, mer transparente, monts brunis, —ombre,
clarté, ont senti l'amertume — que le monstre a engendré
dans tous les coins.

Aussi y en a-t-il eu des fleurs et des rameaux —
courbés, meurtris, entraînés par les champs, — dans
cette année qui derrière elle emporte — comme un
voleur les trésors les plus beaux !...

Aussi en ai-je vu, dans cet espace de temps, — des
oiseaux tressaillir de peur dans leurs nids... — Si
quelque chant s'entendait retentir,— c'était celui du
hibou ou de la chauve-souris.

J'en ai vu des étoiles pâlir au zénith, — et fermer
l'oeil comme quelqu'un qui boude ; — puis dans l'obscurité
la lune, — de honte, cacher son flambeau qui
n'éclairait plus.

J'en ai vu s'éteindre de joyeux éclats de rire, — et
ruisseler des larmes sur le sol, — aux tourbillons de
commerce, de deuil, — qui ont détruit tant de gens et
tant de grandes maisons !

Heureux celui qui, sous son toit, — le coeur non
affaissé par l'infortune, — a vu sans cesse luire de
l'espérance — la grande lumière qui régénère tout.

Heureux celui qui, contre toute attente, — a vu
briller sa foi comme un flambeau, — devant le Dieu
qui a jeté d'en haut son fléau — pour éprouver
l'homme sur la terre !

Heureusement qu'au char criard — qui va et vient
piétinant la vie, — l'ange de la paix dans sa main
saisit les rênes — et laisse parfois tomber à terre
quelques fleurs.

Peut-être demain, à l'aube diaphane — que des
rayons purs viendront caresser, — l'ange affectueux
fera voltiger — dans l'immense espace son aile blanche.

Cette espérance est consolante et belle ! — d'aimer,
de croire, c'est un trésor pour l'âme, — un feu dont
rien n'éteint la flamme, — un brin fleuri qui pendille
au rameau.

C'est le printemps de l'éternelle prairie, — la voix
divine qui vibre dans le coeur — pour dire que c'est
du ciel qu'éclôt — le rayon qui éclaire de l'aube au
crépuscule..


Photo Hervé Bernon
Autorisation Lou Régrèu

*+*+*


ENVOI

A l'heure où l'ange dans le ciel — chantera de sa voix pure,
— ô Muse, qui me causes.tant de joie, — où
seras-tu, gentille petite soeur ?

Je voudrais, la veille de Noël, — que tu apparus
ses, pauvrette ! — au milieu de cette maisonnée, —
entre le père et la mère !

Allons, chemine, vole, va; — sans t'inquiéter du
froid qu'il fait, — ouvre ton aile, âme riante,

Pour déverser toute la joie — et donner la félicité
- avec ta grâce à l'amitié !

24 décembre 1884

.

Alan Broc : Sofi Oksanen - Puhdistus & Stalinin lehmät

.

Sofi Oksanen es uno escrivano fineso de 33 ons. Soun paire es finlandés, sa maire es estouniano.

Se la crouzavi dien la charrèiro me pensario bessai "Quau es aquelo panturlo ?" e pamen es una grondo escrivono.


Faguè l'on passat un enorme succès ammé soun lhibre Purgo que coumtavo duoi vidos de fennos estounianos que se rescountrou.

La primièro, Zara, quitè Vladivostok à l'epoco souvietico per visca la vido richo de l'oèst e se retroubè bagasso à Berlin.

Aiide, mai vièlho d'una generaciou, fouguè coundennado al goulag après la segoundo guerro moundialo, acusado « d'avèdre pourtat de boutarots à de bandits » (la resisténcio estouniano).

Las duoi fennos aun counegut li fourçomens e lis umiliacious. En 1992, un on après l'independéncio de l'Estounio, Zara torno al païs en grondo fugido de soun macarèl. S'estavanis per astre dien lou jardi d'Aiide, que descoubris aquelo fenno terrourisado e batudo, ço que drevilho soun pròpie passat.


Purgo èro d'en primier una pèço de teatre, que recassè tau succès que l'escrivono n'en o fat un rouman.

Zara quito Vladivostok. Fetivomen, la grondo umiliaciou del coumunisme es d'avèdre passejat li gents lonh de lour patrìo (coumo faguè e coumo fo lou jacoubinisme francés), notamen li gents jouves, dien l'espèr que se maridarau entre etnìos diferentos, e que la generaciou de daprès sarò sounque russofono. Fetivomen quand uno estouniano espouso un kazac'h ou un geourgian, lis efonts parlou russe e sounque russe.

Me sèi ispirat d'un resumat qu'èi troubat endacon. Purgo, Puhdistus, en finés, es pas arribat dien ma prouvìncio.

Mas èi legit Lei vachos de Stalino, Stalinin lehmät.

( Lei vachos de Stalino sou las piètros chabros d'Asìo centralo ou de la Russìo poulàrio que faziou li troupèls dis estounians desplaçats per lou jacoubinisme coumunisto, en lioc dei vachos grassos d'Estounio.)

Lei vachos de Stalino es l'obro primièro de Sofi Oksanen. Avio vint-o-cinq quand l'escriguè e sabio pas se sario publicado.

Lou rouman coumto duos istòrios en paralèu ; la de l'erouïno qu'es anourexico. (Acò m'embèstio de vous hou dire puèi que iéu, se legissi uno talo infourmaciou, me dirèi que lou rouman es pas per iéu) e la de sa maire, estouniano abelido à l'epoco de l'oucupaciou souvietico, estouniano que parlo estounian sounque quand torno visita la familho al païs d'ourigino, e que s'acapriço à parla sounque finés en Finlando, en empachant sa filho de dire un soul mot d'estounian, lengo que pamen entend perfètomen.


Pendent la mitat del rouman lou legèire vèi pas de ligam entre las duoi fennos, sounque lour parentat, mas lou lhibre es passiounant.

Puèi dapassou, l'erouïno descoubris que soun anourexìo o bessai uno ourigino familialo, soun anourexìo fisico es bessai la seguido de l'anourexìo mentalo de sa maire, tout lou temp cachado e auto-censurado à l'epoco souvietico, vergounhouso també d'èsse uno pacandasso gaire civilisado de l'Est.

S'approcher du non-dit et tenter de l'articuler, n'est-ce pas l'essence même de l'écriture ?" ço-diguè Sofi Oksanen dinc uno entrevisto.

Cò'i vertat que soun segoun rouman Baby Jane parlo de la « generaciou prozac » mas també de la viouléncio dien li parelhs lesbians, realitat plô counegudo mas qu'es pas jamai estado mençounado per escrit, inquèro min dien la letraduro abans guelo.

Ж

I o chicom mai dien lou lhibre qu'interessarò li mistralencs, tout ço que toco à la lengo, ei lengos.

Saban que l'estounian es counsiderat per François Fontan coumo un dialècte finés, mas li persounatges de Sofi Oksanen lou tratou coumo una lengo diferento, prou vezino mas diferento.

Sofi Oksanen parlo souvent de lengo. Dis per exemple que la negaciou es "ärä" en estounian, e "älä" en finés, e que pels estounians la negaciou fineso semblo lou mot estounian prounounciat per un efantou que fo inquèro lis èrros coumo d'èlos.

Sèns s'en entracha, que soun sujet es pas la lengo, quicho soubre una doublo doulour dis estounians, d'avèdre una lengo mesprezado per li russes durant touto l'epoco souvietico e inquèro d'uèi, e una lengo mesprezado per li finlandés.

Aqui nous entrachan qu'acò'i pulèu un coumplèxe dis estounians. Se trobo pas jamai cap de marco de mespretz de la part di finlandés per l'estounian. Dien lou pìri di cas, una grondo indiferéncio.



Per exemple, li touristos finlandés en Estounio à l'epoco souvietico (coumo lou futur marit de la maire) s'espantou de descoubri que i o una lengo fino-ougrïano dien lou païs. Pensavou que tout lou mounde parlo russe e sounque russe. Chau dire que li menaires de taxi sou toùti russes.

De lour coustat lis estounians pretendou parla sounque l'estounian davant li finés, quand en realitat sabou toùti lou russe.

De detalhs de socio-lenguistico d'aquelo meno ne trouban cado duoi paginos, e cò's estat per iéu un di gronds interés del lhibre.... abans que m'entrachèsse que quitomen sèns acò èro uno obro pouderousomen ouriginalo, plô bastido, aizido de legi, uno istòrio de "dinastìo feminino" coumo dizou lei sicoulogos qu'aun estudiat lis eretatges sicoulougiques entre maire(s) e filho(s).

Amm' acò, quand troubarèi "Purgo" ou "Baby Jane", li legirèi.

Alan Broc



.

Peireto Berengier : Engano en galèro , de Bernat Giély

.

Engano en galèro

Ai toujour pensa que lou majourau Giély èro un crespina que si journado fasien quaranto-vuech ouro. Un cop de mai, n’en vèn de douna la provo.

Dins lou numerò d’avans de nosto revisto, lou baile fasié lou comte-rendu dóu tome I de la gramatico prouvençalo que nous vèn de pourgi Bernat Giely. Ramentavo que beilejo lou Counsèu de l’escri mistralen e qu’es lou baile redatour dóu mesadié « Prouvènço Aro ». Vuei, me revèn d’apoundre qu’aquel ome multiple, lenguisto, leissicougrafe, journalisto, enventaire de plen d’idèio novo, se devino tambèn roumancié. Un roumancié que decesso pas de publica.

Soun proumié rouman « Flour de camin » i’avié vaugu lou Pres Mistral e lou Grand Pres de Literaturo Prouvençalo de Ventabren. Despièi nous avié pourgi « L’Auro fugidisso », « Lou pavaioun de la tartugo », « Fiò de bos », « L’incouneigu de Maraisso », la biougrafìo de Jan Roche e aquelo de Batisto Bonnet « Dins li piado d’un pacan ». Vuei, après li guerro de 14‑18, de 39‑45, d’Algerìo e d’Indouchino, vaqui que nous fai remounta lou tèms emé li galèro.

Aquéu nouvèu rouman nous fai descurbi tout au cop lou mounde di galèro, de la marino, lou Marsiho d’aquéu tèms emé soun arsena, si couvènt e si vièii carriero. Nous permeno en Gavoutino, en valèio roudanenco, sus li costo de la Mediterragno. Nous ramento de pount d’istòri, nous parlo de religioun, de geurro, de la vido di saunié, e mai que mai d’aquelo di pàuri galerian qu’èron pas toujour de maufatan ! Bèn entendu, coume cade cop, fau uno istòri d’amour coume fiéu pèr mena lou debana.

Rouman que rouman, aquel oubrage e capito tambèn un oubrage de leissicougrafìo. Acò dèu pas faire empache mai, tout au contro, vous douna envejo de legi. Se sian pas acoustuma à tout aquéu voucabulàri de la marino e di galèro, se sentèn un pau mai saberu, un cop agué legi (meme s’óublidan li teinico de navigacioun e de guerro…).

« Engano en galèro », un rouman di miés escanti. Coume cade cop, avèn envejo de dire qu’es lou meiour mai, coume n’esperan d’autre, avèn idèio que sara pas aquéu lou meiour ! Bernat Giely es capable de faire sèmpre miés. L’a prouva. Esperan !

Peireto Berengier

« Engano en galèro », de Bernat Giély, 316 pajo, 14 x 21. Costo 15 €. Ed.Prouvènço d’aro, 18 rue de Beyrouth, 13009 Marseille


.