Michello Craponne & Li Pimpinello : dissate proumié de Mai (pub associative)

.

Li flour de la primo

Vous counvide à n'en veni descurbi quauquis uno e n'en tasta quauquis alestimen, lou dissate proumié de Mai ( lou tantost) à Castèu-Nòu-de-Gadagno: saren au jardin, à coustat d'Akwaba, 500 camin di matousso.

Es l'assouciatioun « Li Pimpinello » ( que n'en siéu la clavarello é lou pivéu) que ourganiso dous cop l'an uno rescontre per li jardinié afouga, e per li curious; aqui podon escambia: plantun, grano, óutis, counséu, ajudo.



Se voulès ren escambia,vous poudès veni proumena, tasta à ma cousino-fèro. I aura perèu uno presentacioun d'espaventau ( sares li benvengu s'aduses lou vostre !), e de jo e d'animacioun per li drole. L'intrado ei d'à gratis. Em'aco vous pourrès refresca à la begudo, e manja de pastissarié.
A vespre, pourrès soupa en musico emé uno cantarello que ié disoun « Flour » e uno fanfaro « Pipo for People »; S'avès besoun d'entre-signe,me poudès souna o m'escriéure ( lou cap-redatour de Marsyas 2 vous baiara moun adreisso eleitrounico)

N'en proufiche per vous anouncia que per lou 3 d'óutobre alestissen uno autre acampado que se debanara au Castèu de la Capello, à Castèu-Nòu-de Gadagno, e i'aura un fube d'espousicioun: boutanico, tablèu, de couferènci, e faren meme uno grando plaço à la culturo Prouvençalo. Vous n'en dise pas mai per aro, n'en parlarèn un autre cop!

le lien de l'association Les Pimprenelles (en cliquant ici)

Michello Craponne

.